દિલ્હી-

વિશ્વના સૌથી મોટા હેડ ફંડ મેનેજર રે ડાલિયો કહે છે કે જો બિટકોઇન વધુ સફળ થશે તો સરકારો તેને ખત્મ કરશે. ડાલિયોએ યુએસ સ્થિત બિઝનેસ ચેનલ સીએનબીસીને જણાવ્યું હતું કે વિશ્વભરની સરકારો નથી ઇચ્છતી કે બિટકોઇન વિશ્વની સૌથી લોકપ્રિય, સૌથી જૂની અને સૌથી મોટી ક્રિપ્ટોકરન્સી બને. જો તે વધુ સફળ થશે તો તેને રદ કરવામાં આવશે. સરકાર પાસે તેનો અંત લાવવાની રીતો છે.

જાણીતા યુએસ રોકાણકાર ડાલિયોએ સ્વીકાર્યું કે તેની પાસે બિટકોઇન પણ છે પરંતુ ક્રિપ્ટોકરન્સીમાં તેનું રોકાણ સોના કરતા ઘણું ઓછું છે. તેમણે કહ્યું "તેનો અર્થ એ નથી કે તેની કોઈ કિંમત નથી. અલબત્ત, તેનું કોઈ આંતરિક મૂલ્ય નથી. ' બિટકોઇનનું મૂલ્ય ધારણા અને વૈવિધ્યતામાં હોઈ શકે છે. ગયા વર્ષે માર્ચમાં બિટકોઇનની કિંમતમાં નોંધપાત્ર ઘટાડો થયો હતો પરંતુ આ વર્ષે એપ્રિલમાં વિક્રમી સ્તરે પહોંચ્યો હતો. આ સમય દરમિયાન ડાલિયોએ તેમાં રોકાણ કર્યું હતું.

ડાલિયોની ટિપ્પણી એવા સમયે આવી છે જ્યારે ભારત સરકાર ક્રિપ્ટોકરન્સી બિલ રજૂ કરવાની તૈયારી કરી રહી છે. તે તમામ ખાનગી ક્રિપ્ટોકરન્સી પર પ્રતિબંધ મૂકવાની દરખાસ્ત કરે છે. તાજેતરના મીડિયા અહેવાલો અનુસાર સરકાર ક્રિપ્ટોકરન્સી પર તેના કડક વલણને સરળ બનાવી શકે છે અને ક્રિપ્ટોકરન્સીને કોમોડિટી તરીકે સૂચિત કરી શકે છે. ઇમ્ૈં એ ઘણી વખત ક્રિપ્ટોકરન્સી વિશે પોતાની ચિંતા વ્યક્ત કરી છે. તેમનું કહેવું છે કે આ દેશની આર્થિક સ્થિરતાને અસર કરી શકે છે. એપ્રિલના મધ્યમાં બિટકોઇનની કિંમત ૬૪,૦૦૦ ડોલરને પાર કરી ગઇ હતી પરંતુ હાલમાં તે ૪૫,૦૦૦ ડોલરની આસપાસ છે.