નવી દિલ્હી : અરવિંદ કેજરીવાલે કહ્યું કે, આજે અમે લોકસભા ચૂંટણી ૨૦૨૪ માટે કેજરીવાલની ૧૦ ગેરન્ટીની જાહેરાત કરવા જઈ રહ્યા છીએ. મારી ધરપકડને કારણે આમાં મોડું થયું પણ હજીય અનેક ચરણની ચૂંટણી બાકી છે. રવિવારે પ્રેસ કૉન્ફરન્સમાં દિલ્હીના મુખ્યમંત્રી અરવિંદ કેજરીવાલે ફરી એકવાર પીએમ મોદી પર નિશાન સાધ્યું હતું અને મોદીની ગેરંટીની સામે કેજરીવાલની ગેરંટી મૂકી હતી.

તેમણે દેશને ૧૦ બાંયધરીઓ આપી છે જે ગઠબંધનની સરકાર આવશે ત્યારે પૂરી થશે. આમાં દેશને ૨૪ કલાક મફત વીજળી, બાળકો માટે સારા અને મફત શિક્ષણની જાેગવાઈ અને બધા માટે સારી સારવારની જાેગવાઈનો સમાવેશ થાય છે. તેઓ સંપૂર્ણ રીતે તૈયાર થઈને આવ્યા છે કારણ કે કેજરીવાલની ગેરંટી એક બ્રાન્ડ છે. આજે અમે લોકસભા ચૂંટણી માટે ’કેજરીવાલની ૧૦ ગેરંટી’ જાહેર કરવા જઈ રહ્યા છીએ. મારી ધરપકડના કારણે તેમાં વિલંબ થયો હતો પરંતુ હજુ ચૂંટણીના ઘણા તબક્કાઓ બાકી છે. મેં ૈંદ્ગડ્ઢૈં ગઠબંધન સાથે આ અંગે ચર્ચા કરી નથી પરંતુ આ એવી બાંયધરી છે કે તેનાથી કોઈને સમસ્યા નહીં થાય. હું આ ખાતરી આપું છું કે ૈંદ્ગડ્ઢૈં ગઠબંધન સત્તામાં આવ્યા પછી, હું ખાતરી કરીશ કે આ બાંયધરીઓ લાગુ કરવામાં આવે.

કેજરીવાલની ૧૦ મોટી વાતો

૧. અમે દેશને મફત વીજળી આપીશું. આ યોજના હેઠળ ગરીબોને ૨૦૦ યુનિટ મફત વીજળી આપવામાં આવશે. ૧.૨૫ લાખ કરોડનો ખર્ચ થશે. ક્યાંય પણ નહીં થાય પાવર કટ.

૨. સરકારી શાળાઓમાં ખાનગી શાળાઓ કરતાં વધુ સારું શિક્ષણ આપવામાં આવશે. આ માટે ૫ લાખકરોડ રૂપિયા ખર્ચ કરવામાં આવશે. આ માટે ૨.૫ લાખ કરોડ રૂપિયા રાજ્ય સરકાર અને ૨.૫ કરોડ રૂપિયા કેન્દ્ર સરકાર આપશે. દરેક ગામમાં સરકારી શાળાઓ સ્થાપવામાં આવશે.

૩. દેશના દરેક નાગરિકને મફત સારવાર આપવામાં આવશે અને સરકારી હોસ્પિટલોની સ્થિતિમાં સુધારો થશે. દરેક જિલ્લામાં સરકારી હોસ્પિટલો સ્થાપવામાં આવશે.

૪. અગ્નિવીર યોજના બંધ કરવામાં આવશે અને અગ્નિવીરની નોકરીઓ સુનિશ્ચિત કરવામાં આવશે.

૫. દિલ્હીને પૂર્ણ રાજ્યનો દરજ્જાે મળશે.

૬. એક વર્ષમાં ૨ કરોડ રોજગારીનું સર્જન કરવામાં આવશે.

૭. દિલ્હી અને પંજાબની જેમ ખરા અર્થમાં ભ્રષ્ટાચાર પર પ્રહાર કરવામાં આવશે.

૮. જીએસટીને પીએમ એલએમાંથી બહાર કાઢીને એવી વ્યવસ્થા કરવામાં આવશે જેથી વેપારીઓ મુક્તપણે વેપાર કરી શકે.

૯. ચીને જે જમીન પર કબજાે કર્યો છે તે પરત લેવામાં આવશે. આ માટે સેનાને છૂટ આપવામાં આવશે.

૧૦. સ્વામીનાથન રિપોર્ટ અનુસાર, ખેડૂતોને તમામ પાક પર એમએસપી નક્કી કરીને સંપૂર્ણ કિંમત આપવામાં આવશે.