દિલ્હી-

કેન્દ્ર સરકાર મજૂર કાયદામાં પરિવર્તન, સરકારી કંપનીઓના ખાનગીકરણ, અનેક મોટા ક્ષેત્રોને 100 ટકા વિદેશી ડાયરેક્ટ (એફડીઆઈ) ખોલવા માટે ત્રણ બીલ લાવવા સામે આજે 10 મજૂર સંગઠનો દેશવ્યાપી વિરોધ કરી રહ્યા છે.

મંગળવારે લોકસભામાં મજૂર કાયદામાં ફેરફારને લઈને ત્રણ બીલ પસાર કરવામાં આવ્યા છે. તેઓ રાજ્યસભામાં પાસ થવાના બાકી છે. આ પહેલા સંસદ દ્વારા મજૂર કાયદામાં ફેરફાર કરવાનું બિલ પસાર થઈ ચૂક્યું છે. આ તમામ કાયદાઓ દ્વારા, સરકાર વ્યવસાયિક વિશ્વને વધુ સ્વતંત્રતા આપવા માંગે છે, પરંતુ ટ્રેડ યુનિયન કહે છે કે તે સંપૂર્ણપણે મજૂર હિતોની વિરુદ્ધ છે.

કેન્દ્ર સરકારની કથિત કાર્યકર વિરોધી નીતિઓને લઇને પાટનગર દિલ્હીના જંતર-મંતર ખાતે બુધવારે સવારે 11 વાગ્યે ટ્રેડ યુનિયનોના દેખાવો શરૂ થયા હતા. આ પ્રદર્શનમાં સામેલ દસ રાષ્ટ્રીય સંસ્થાઓ છે- INTUC, AITUC, HMS, CITU, AIUTUC, TUCC, SEWA, AICCTU, LPF, UTUC. આ સિવાય ઘણી પ્રાદેશિક અને ક્ષેત્રવાર સંસ્થાઓ પણ શામેલ છે.

આ સંગઠનો દ્વારા જારી કરાયેલા નિવેદનમાં કહેવામાં આવ્યું છે કે તેઓ 'જાહેર કંપનીઓના ડિસઇન્વેસ્ટમેન્ટ અને ખાનગીકરણ અને અર્થતંત્રના ઘણા મહત્વપૂર્ણ ક્ષેત્રોમાં 100% એફડીઆઈ સામે વિરોધ કરી રહ્યા છે'. આ ઉપરાંત મજૂર સંગઠનો માંગ કરે છે કે લોકડાઉન મહિનાના કામદારોને વેતન ચૂકવવામાં આવે, કોઈ કર્મચારી છૂટા ન થાય, અસંગઠિત ક્ષેત્રના તમામ કામદારોને ઓછામાં ઓછા છ મહિના માટે રશન આપવામાં આવે છે. 7,500 ની રોકડ સહાય આપવી જોઇએ.