લંડન,તા.૩ :ઈન્ટરનેશનલ ક્રિકેટ કાઉન્સિલએ T20 વર્લ્ડ કપ 2024 માટે ઈનામી રકમની જાહેરાત કરી છે. ICC એ US$11.25 મિલિયન (લગભગ રૂ. 93.50 કરોડ)ની રેકોર્ડબ્રેક ઈનામી રકમની જાહેરાત કરી હતી. આ રકમમાંથી વિજેતાને ઓછામાં ઓછા 2.45 મિલિયન ડોલર (લગભગ 20 કરોડ રૂપિયા) મળશે. ICCએ કહ્યું છે કે આ વખતે વર્લ્ડ કપ વિજેતાને ટૂર્નામેન્ટના ઈતિહાસમાં સૌથી વધુ રકમ મળશે. ખાસ વાત એ છે કે 20મું સ્થાન મેળવનારી ટીમ પણ અમીર હશે. તેને ઈનામી રકમ આપવામાં આવશે જાણકારી અનુસાર, રનર અપ ટીમને ઓછામાં ઓછા 1.28 મિલિયન ડોલર (10.64 કરોડ રૂપિયા) આપવામાં આવશે. આ સાથે અન્ય ટીમોને પણ ઇનામ આપવામાં આવશે. હારનાર સેમી ફાઇનલિસ્ટને $787,500 (રૂ. 6.54 કરોડ) મળશે. જે ટીમો બીજા રાઉન્ડથી આગળ નહીં વધે તે પણ સમૃદ્ધ હશે. તેમને $382,500 (રૂ. 3.17 કરોડ) આપવામાં આવશે આ સાથે ICCએ નવમા અને 12મા સ્થાન પર રહેલ ટીમો માટે ઈનામી રકમની જોગવાઈ પણ કરી છે. નવમાથી 12મા ક્રમે આવનાર દરેક ટીમને $247,500 (રૂ. 2.05 કરોડ)ની ઈનામી રકમ મળશે. આ સિવાય 13થી 20માં ક્રમે રહેલી ટીમો પણ સમૃદ્ધ હશે. આ દરેક ટીમોને $225,000 (રૂ. 1.87 કરોડ) આપવામાં આવશે. વધુમાં, દરેક ટીમને સેમિ-ફાઇનલ અને ફાઇનલ સિવાય દરેક મેચ જીતવા માટે વધારાના $31,154 (25.89 લાખ) મળશે. આનો અર્થ એ થયો કે જે ટીમો સેમિ-ફાઇનલ કે ફાઇનલ સુધી ન પહોંચે તો પણ તેમના પર પૈસાનો વરસાદ થશે.