અક્ષય કુમારની બિગ બજેટ ફિલ્મ ‘વેલકમ ટુ ધ જંગલ’ની આતુરતાથી રાહ જાેવાઈ રહી છે. ‘વેલકમ’ ળેન્ચાઈઝીની આ ફિલ્મના શૂટિંગ માટે મુંબઈમાં સેટ ઊભો કરાયો હતો. ભારે વરસાદના કારણે ફિલ્મના સેટને નુકસાન થયુ હતું, જેના કારણે શૂટિંગ રોકવુ પડ્યું છે. હાલ તો ફિલ્મની ટીમે સેટનું રીપેરિંગ શરૂ કર્યું છે. રિપોટ્‌ર્સ મુજબ, ધોધમાર વરસાદે જુલાઈ મહિનાના છેલ્લા અઠવાડિયામાં મુંબઈને ઘમરોળી નાખ્યુ હતું. મુંબઈમાં અક્ષય કુમારની આગામી ફિલ્મ વેલકમ ટુ ધ જંગલનો સેટ ઊભો કરવામાં આવ્યો હતો અને ઓગસ્ટના પહેલા વીકમાં શૂટિંગ શરૂ કરવાનોપ્લાન હતો. અક્ષય સહિત ૩૪ એક્ટર્સ આ સેટ પર હાજર રહેવાના હતા. સેટ પર ફિલ્મના એક ભવ્ય ગીતનું શૂટિંગ થવાનુ હતું. વરસાદના કારણે સેટને નુકસાન થયું છે અને સેટને ફરી બનાવવા કવાયત ચાલી રહી છે. ફિલ્મના ડાયરેક્ટર અહેમદ ખાને આ સ્થિતિ અંગે જણાવ્યું હતું કે, સેટ ફરી બનાવવા ધમધોકાર કામ ચાલી રહ્યું છે અને સેટ બન્યાં બાદ તરત જ પ્રોડક્શન શરૂ કરવામાં આવશે. અક્ષય કુમારની આ બિગ બજેટ ફિલ્મ ૨૦૨૩માં એનાઉન્સ થઈ હતી અને કેટલાક મહિનાઓથી તેનું શૂટિંગ ચાલી રહ્યું છે. તેની ઝલક આપતો વીડિયો વીડિયો પણ શેર થયો હતો. ફિલ્મની કાસ્ટમાં અક્ષય કુમાર ઉપરાંત જેકલીન ફનાર્ન્ડિઝ, અરશદ વારસી, સુનિલ શેટ્ટી, રવિના ટંડન, પરેશ રાવલ, લારા દત્તા, તુષાર કપૂર, શ્રેયસ તલપડે, જ્હોની લીવર, રાજપાલ યાદવ, કિકુ શારદા, દલેર મેંહદી, મિકા સીંગનો સમાવેશ થાય છે. આ ફિલ્મને ફિરોજ એ. નડિયાદવાલા પ્રોડ્યુસ કરી રહ્યા છે.