નવી દિલ્હી 

યજમાન ન્યુઝીલેન્ડ અને વેસ્ટ ઇન્ડીઝ વચ્ચે બે મેચની ટેસ્ટ શ્રેણી રમાઈ રહી છે. વેસ્ટિંગ્ટનના બેસિન રિઝર્વ ગ્રાઉન્ડમાં ટેસ્ટ સિરીઝની બીજી મેચ રમવામાં આવી રહી છે. આ પ્રવાસની આ છેલ્લી ટેસ્ટ મેચના પહેલા દિવસે રમતનો અંત આવ્યો. કેપ્ટન કેન વિલિયમસન કિવિ ટીમ માટે આ મેચ રમી રહ્યો નથી. વિલિયમસન પિતૃત્વ રજા પર છે, કારણ કે તેની પત્ની પ્રથમ સંતાનને જન્મ આપવા જઇ રહી છે.

શ્રેણીની બીજી મેચમાં કેન વિલિયમસનની ન્યુઝીલેન્ડની ટીમની હાલત સારી છે. ટોમ લેથમની કપ્તાની હેઠળ રમી રહેલી કિવિ ટીમને ટોસ હાર્યા બાદ પ્રથમ બેટિંગ કરવા ઉતરવું પડ્યું હતું. ટીમને સારી શરૂઆત મળી ન હતી, પરંતુ પહેલા જ દિવસે 84 ઓવરની રમત થઈ, જેમાં ન્યુઝીલેન્ડે 6 વિકેટ ગુમાવી 294 રન બનાવ્યા. હેનરી નિકોલે મજબૂત સદી રમી હતી.

હેનરી નિકોલે પ્રથમ દિવસે 207 બોલનો સામનો કર્યો હતો અને કુલ 117 રન બનાવ્યા હતા, જેમાં 15 ચોગ્ગા અને એક છગ્ગા સામેલ હતા. સાથે વિલ યંગ 43 રને આઉટ થયો હતો, ડેરીલ મિશેલ 42, બી.જે.વાટલિંગ 30, કેપ્ટન ટોમ લાથમ 27 અને ટોમ બ્લંડલ 14 રન બનાવીને આઉટ થયો હતો. વેસ્ટ ઇન્ડીઝ તરફથી શેનોન ગેબ્રીએલે ત્રણ વિકેટ પોતાના નામે કરી, જ્યારે બે વિકેટ ચેમર હોલ્ડરને મળી અને અલઝારી જોસેફને એક સફળતા મળી.