વાયનાડ: લોકસભા ચૂંટણીમાં કોંગ્રેસના નેતા રાહુલ ગાંધીએ વાયનાડ ક્ષેત્રમાંથી જંગી અંતરથી જીત મેળવી હતી. આ જીત બાદ તેમણે બુધવારે ઉત્તર કેરળમાં રોડ શો કર્યો હતો. લોકસભા ચૂંટણીના પરિણામો બાદ રાહુલની આ પ્રથમ કેરળ મુલાકાત છે. રાહુલના રોડ શોમાં સામેલ થવા માટે હજારોની સંખ્યામાં ેંડ્ઢહ્લ કાર્યકરો અને સમર્થકો એડવાન્નામાં એકઠા થયા હતા. અગાઉ, કોઝિકોડ એરપોર્ટ પર તેમનું ભવ્ય સ્વાગત કરવામાં આવ્યું હતું.જ્યારે રોડ શોમાં એક રેલીને સંબોધતા રાહુલ ગાંધીએ લોકસભાના પરિણામોને લઈને પીએમ મોદી પર જાેરદાર નિશાન સાધ્યું હતું. તેમણે કહ્યું કે, “કેરળ, ઉત્તર પ્રદેશ અને અન્ય રાજ્યોના લોકોએ વડાપ્રધાન નરેન્દ્ર મોદીને બતાવી દીધું છે કે તેઓ ભારતના નાગરિકોને આદેશ આપી શકતા નથી કે તેઓએ શું કરવું જાેઈએ. ભારતના લોકો પીએમ મોદીને પણ કહે છે કે બંધારણ અમારું છે. તેને સ્પર્શ કરશો નહીં.” કોંગ્રેસ નેતાએ વધુમાં કહ્યું કે, આ દેશનો ઈતિહાસ અને પરંપરા આપણા બંધારણ દ્વારા સુરક્ષિત છે, રાહુલ ગાંધીએ પણ ભાજપના નેતાઓને ઘેર્યા છે. તેમણે કહ્યું કે, “ચૂંટણી પહેલા તમે ભાજપના નેતાઓને એવું કહેતા જાેયા હશે કે તેઓ બંધારણને ફાડી નાખશે. ચૂંટણી પછી તમે વડાપ્રધાનને તેમના કપાળ પર બંધારણ લગાવતા જાેયા હશે.” કોંગ્રેસ નેતાએ વધુમાં કહ્યું કે સત્ય એ છે કે વારાણસીમાં વડાપ્રધાન કોઈક રીતે બચી ગયા. તે પોતે વારાણસીમાં હારી ગયો હોત. અયોધ્યામાં ભાજપની હાર થઈ. અહીંના લોકોએ સંદેશો આપ્યો કે તેઓ નફરત અને હિંસા સાથે નથી. લોકસભા ચૂંટણીમાં રાહુલ ગાંધી વાયનાડની સાથે રાયબરેલીથી પણ ચૂંટણી લડી રહ્યા હતા. તેમણે બંને બેઠકો જીતી હતી. રાહુલ ગાંધીએ પીએમ મોદી પર કટાક્ષ કરતા કહ્યું કે તેમને ભગવાન તરફથી કોઈ સંદેશ નથી મળતો. પીએમ મોદી પર કટાક્ષ કરતા તેમણે વધુમાં કહ્યું કે, ભગવાને પીએમ મોદીને દેશના તમામ મોટા એરપોર્ટ અને પાવર પ્લાન્ટ અદાણીને આપવાનો આદેશ આપ્યો હતો.