લેખકઃ ખ્યાતિ થાનકી | 

જીવન એટલે શું? ખીલવાથી ખરવા સુધીની ઘટના. નવજાત શિશુ પહેલીવાર પોતાની આંખ ખોલે તેનો રોમાંચ જેમ મનુષ્ય જીવનને આનંદિત કરી મૂકે છે, તેવી જ રીતે આંખ મિંચાવાની ઘટનાના વિચારથી પણ મન અજાણ્યા ડરથી ડરવા લાગે છે.

જીવન અનિશ્ચિત છે, પરંતુ મૃત્યુ તો નિશ્ચિત જ છે. એટલે આજે નહીં તો કાલે તેનો સામનો કરવાનો તો છે જ. પરંતુ મૃત્યુ પહેલાં જ મરી જવું એટલે કે જીવન કરતાં મૃત્યુ વહાલું લાગવા લાગે તેવી મનોસ્થિતિનો સામનો કરવો અથવા જીવનને મૃત્યુ તરફ દોરી જવું તે ઘટના વધારે ભયજનક છે. અને આવી પરિસ્થિતિ ઉત્પન્ન જ ન થાય અથવા તો આવી પરિસ્થિતિને ટાળવી હોય તો જિંદગીને જીતી લેવી પડે. અને આ જિંદગીની જીતવાની જડીબુટ્ટી આપણે જાતે શોધવી પડે.

જિંદગી જીતવાની જડીબુટ્ટી આપણા હાથે આપણા માટે બનાવી શકીએ; બસ તેના માટે જરૂર છે મહેનત અને પ્રતિબદ્ધતા, સકારાત્મક વિચારો, લક્ષ્યનિર્ધારણ, સ્વઆલોચના, મોટિવેશન અને પ્રેરણા, સ્વાસ્થ્ય, પ્રશિક્ષણ અને જ્ઞાન તથા સમય વ્યવસ્થાપનની. કોઈપણ કામને સફળ બનાવવા માટે કઠિન મહેનત અને સંપૂર્ણ પ્રતિબદ્ધતા જરૂરી છે. કોઈપણ પ્રવૃત્તિને સકારાત્મક રીતે વિચારવી અને પ્રતિકૂળ પરિસ્થિતિઓમાં પણ આશાવાદી રહેવું મહત્ત્વપૂર્ણ છે. સ્પષ્ટ લક્ષ્યો નક્કી કરવાં અને તે લક્ષ્યોને હાંસલ કરવાં માટે યોજના બનાવવી. નિયમિત રીતે પોતાના કામનું મુલ્યાંકન કરવું અને જ્યાં સુધારાની જરૂર હોય ત્યાં સુધારો કરવો. સ્વપ્રેરિત રહેવું અને સમયાંતરે પોતાની જાતને પ્રોત્સાહિત કરવી. શારીરિક અને માનસિક સ્વાસ્થ્યનું ધ્યાન રાખવું, કારણ કે તંદુરસ્ત શરીર અને મન જ સફળતાની ચાવી છે. સતત શીખતાં રહેવું, નવાં નવાં કૌશલ્યો અને જ્ઞાન પ્રાપ્ત કરવું.અને છેલ્લે સમયનું યોગ્ય રીતે આયોજન કરવું.

સકારાત્મક વિચારો જિંદગીમાં મહત્ત્વપૂર્ણ ભૂમિકા ભજવે છે. તેનાથી તમે ઘણી બધી પરિસ્થિતિઓમાં વધુ શ્રેષ્ઠ રીતે પ્રતિક્રિયા આપી શકો છો. સકારાત્મક વિચારો વિકસાવવા માટે આ પ્રમાણે પ્રયત્નો કરી શકાય છે.

રોજબરોજના જીવનમાં આભારની લાગણી તમારા મનને સકારાત્મકતા તરફ દોરી જશે.

નિયમિત ધ્યાન અને યોગ આપના મનને શાંતિ અને સ્વસ્થતા આપે છે, જેનાથી સકારાત્મક વિચારો વધે છે.

તેવાં લોકો સાથે સમય પસાર કરો, જે સકારાત્મકતા અને ઉત્સાહ છલકાવે છે. નકારાત્મકતા ફેલાવતાં લોકોને ટાળો.

તમારી ભાષામાં સકારાત્મક શબ્દોનો ઉપયોગ કરો. નકારાત્મક ભાષા અને વિચારોને દૂર કરો

મુશ્કેલીઓ અને પડકારોને અવસર તરીકે જુઓ. દરેક મુશ્કેલીમાંથી કંઈક શીખવા કોશિશ કરો.

સારો આહાર, નિયમિત વ્યાયામ અને પૂરતી ઊંઘ સ્વસ્થ જીવનશૈલીના ભાગ છે, જે સકારાત્મક વિચારો માટે જરૂરી છે.

રોજના અંતે તમારા દિવસનું પ્રતિબિંબન કરો અને શું સકારાત્મક થયું તે લખો. આ તબક્કા જ આપના મગજને સકારાત્મકતા પર ધ્યાન કેન્દ્રિત કરવામાં મદદ કરશે.

આ ઉપાયોને તમારી રોજિંદી જિંદગીમાં અપનાવવાથી સકારાત્મક વિચારોનો વિકાસ થશે, જે તમને વધુ ઉત્સાહી અને સફળ બનવામાં મદદ કરશે. કહેવાય છે કે આપણે જેટલી પ્રગતિ અથવા સફળતા ઇચ્છતાં હોઈએ તેનું સૌપ્રથમ ચિત્ર મગજમાં સ્પષ્ટ હોવું જાેઈએ તો જ પ્રકૃતિ તમને તે આપવામાં સહાયરૂપ થઈ શકે છે. તમારાં લક્ષ્યોને લખો. લેખિત લક્ષ્યો વધુ સ્થિર અને સાચાં બની જાય છે, મોટાં લક્ષ્યોને નાની, સંભવિત કામગીરીઓમાં વિભાજિત કરો. આથી દરેક પગલું સરળ બને છે અને તમારી પ્રગતિ સરળતાથી દેખાય છે. વિઝન બોર્ડ બનાવો... તમારાં લક્ષ્યો અને સપનાને દર્શાવતો વિઝન બોર્ડ બનાવો. તેને એવી જગ્યાએ રાખો જ્યાં તમે રોજ જાેઈ શકો, જેથી તમને સતત પ્રેરણા મળી શકે. દરેક નાનકડી સિદ્ધિનો જશ્ન મનાવો. આથી તમે પ્રેરિત અને મક્કમ રહી શકો.

સકારાત્મક પુનરાવર્તન (ર્ઁજૈંૈદૃી છકકૈદ્બિટ્ઠંર્ૈહજ) એ પ્રેરણા અને આત્મવિશ્વાસ વધારવા માટેની અત્યંત અસરકારક તકનીક છે. આ પદ્ધતિનો ઉપયોગ તમારા મગજને સકારાત્મક રીતે પ્રોગ્રામ કરવા માટે થાય છે, જેથી તમે તમારી ક્ષમતાઓ પર વધુ વિશ્વાસ રાખી શકો અને વિપરીત પરિસ્થિતિઓમાં પણ મક્કમ રહી શકો. સામાન્ય જીવન માટે, વ્યક્તિગત જીવનમાં, આરોગ્ય અને તંદુરસ્તી માટે, વ્યાવસાયિક સફળતા માટે આ ખૂબ જરૂરી બની જાય છે.

સકારાત્મક પુનરાવર્તનનો નિયમિત ઉપયોગ તમારા જીવનમાં મોટો બદલાવ લાવી શકે છે અને તમારો આત્મવિશ્વાસ, પ્રેરણા અને સકારાત્મકતાને ઊંચે લઈ જઈ શકે છે.

અને છેલ્લે સૌથી મહત્ત્વની વાત... નકારાત્મક વિચારો એટલે કે મૃત્યુ જેવા પડકારોને પડકારો.... જ્યારે નકારાત્મક વિચારો આવે ત્યારે તેમની સત્યતા તપાસો. તેમને સકારાત્મક વિચારોમાં પરિવર્તિત કરો.

તેથી સકારાત્મક, સફળ અને આનંદમય જીવન જીવવાની દિશામાં આગળ વધી શકો.