જૂનમાં ભારતની લિક્વિફાઈડ નેચરલ ગેસની (એલએનજી) આયાત ૧૧% વધીને ૨,૬૪૮ એમએમએસસીએમ (મિલિયન સ્ટાન્ડર્ડ ક્યુબિક મીટર) થઈ હતી કારણ કે દેશમાં ગેસનો વપરાશ ૭% વધ્યો હતો, જેનું મુખ્ય કારણ વીજ માંગ અને ગેસ આધારિત પાવર ક્ષમતાના વધારાના ઉપયોગને કારણે છે. પેટ્રોલિયમ પ્લાનિંગ એન્ડ એનાલિસિસ સેલ દર્શાવે છે. દેશમાં જૂન મહિનામાં ૫,૫૯૪ એમએમએસસીએમ કુદરતી ગેસનો વપરાશ થયો હતો જે ગયા વર્ષના સમાન સમયગાળામાં ૫,૨૨૪ એમએમએસસીએમ હતો. ચાલુ નાણાકીય વર્ષ ૨૦૨૪-૨૫ના પ્રથમ ત્રિમાસિક ગાળામાં કુદરતી ગેસનો વપરાશ ૩.૭% વધીને ૧૬,૭૦૭ એમએમએસસીએમ થયો છે.

ગયા મહિને કુદરતી ગેસના આયાત બિલમાં પણ જૂન ૨૦૨૩ની સરખામણીએ ૧૦% નો નોંધપાત્ર વધારો ૧.૧ બિલિયન ડોલર થયો હતો. ચાલુ નાણાકીય વર્ષના પ્રથમ ત્રિમાસિક ગાળામાં, એલએનજી આયાત ખરૂ૨૪ ના પ્રથમ ત્રિમાસિક ગાળાની તુલનામાં ૬.૨% વધીને ૩.૪ બિલિયન ડોલર થઈ હતી.

ગયા મહિને પાવરની માંગ વધીને લગભગ ૧૫૨.૩૮ અબજ યુનિટ થઈ હતી, જે ગયા નાણાકીય વર્ષના સમાન મહિના કરતાં ૯% વધુ છે. આ વધારો સમગ્ર દેશમાં તાપમાનમાં હીટવેવને આભારી છે. ૨૦૨૩માં સમાન સમયગાળાની સરખામણીએ એપ્રિલ-જૂન દરમિયાન માંગ ૧૩% વધી હતી. લાંબા સમય સુધી ચાલતા હીટવેવને કારણે ઠંડકના ઉપકરણો માટે વીજળીનો વધુ પડતો વપરાશ થવાને કારણે દેશના ઉત્તરીય ભાગમાં વીજ માગ ગયા વર્ષની સરખામણીમાં જૂનમાં ૨૨% વધી હતી.