નવી દિલ્હી: દિલ્હી-દ્ગઝ્રઇમાં વરસાદને કારણે ઈન્દિરા ગાંધી ઈન્ટરનેશનલ એરપોર્ટ (ૈંય્ૈં)ના ટર્મિનલ-૧ પર શુક્રવારે સવારે ૫ વાગ્યે પાર્કિંગની છત તૂટી પડી હતી. દુર્ઘટનામાં કારમાં બેઠેલા કેબ ડ્રાઈવરનું મોત થયું છે જ્યારે ૮ ઘાયલ થયા છે. ઘાયલોને મેદાંતા હોસ્પિટલમાં સારવાર આપવામાં આવી રહી છે. એરપોર્ટ પર ફાયર બ્રિગેડની ત્રણ ગાડીઓ બચાવ કામગીરીમાં લાગેલી છે. દિલ્હી ફાયર સર્વિસ, પોલીસ, સીઆઈએસએફ અને એનડીઆરએફની ટીમ ઘટનાસ્થળે રાહત અને બચાવ કામગીરીમાં લાગેલી છે.દિલ્હીમાં ભારે વરસાદ પછી કટોકટીની બેઠકની અધ્યક્ષતા કરતી વખતે, એલજી સક્સેનાએ રજા પર ગયેલા તમામ વરિષ્ઠ અધિકારીઓને તાત્કાલિક ફરજ પર પાછા ફરવાનો નિર્દેશ આપ્યો હતો. આ સાથે લેફ્ટનન્ટ ગવર્નરે આગામી ૨ મહિના માટે અધિકારીઓની રજાઓ પણ રદ કરી દીધી છે. તેમણે કહ્યું કે, આગામી બે મહિના સુધી રજાઓ ઉજવવાની કોઈને જરૂર નથી.આજે સવારે ભારે વરસાદને કારણે દિલ્હીના અનેક રસ્તાઓ પાણીમાં ડૂબી ગયા છે. લેફ્ટનન્ટ ગવર્નર વી.કે. સક્સેનાએ વરસાદ બાદ પરિસ્થિતિનો તાગ મેળવ્યો હતો અને અધિકારીઓને ઈમરજન્સી કંટ્રોલ રૂમ સ્થાપવા અને પાણી ભરાઈ જવાની સમસ્યાને દૂર કરવાનો આદેશ આપ્યો હતો. આ સાથે તેમણે અધિકારીઓને સ્ટેટિક પંપ લગાવવા જણાવ્યું હતું. એલજીએ રાજધાનીમાં તૈયારીઓના અભાવનો ઉલ્લેખ કર્યોલેફ્ટનન્ટ ગવર્નરની ઓફિસ અનુસાર, એલજી સક્સેનાએ રાષ્ટ્રીય રાજધાનીમાં સજ્જતા અને કટોકટી પ્રતિભાવ પ્રણાલીના અભાવ પર પણ ધ્યાન કેન્દ્રિત કર્યું. આ બેઠકમાં દિલ્હી જલ બોર્ડ, જાહેર બાંધકામ વિભાગ, દિલ્હી મ્યુનિસિપલ કોર્પોરેશન, દિલ્હી વિકાસ સત્તામંડળ, સિંચાઈ અને પૂર નિયંત્રણ વિભાગ અને દિલ્હી પોલીસ જેવા નાગરિક સંસ્થાઓના વરિષ્ઠ અધિકારીઓએ ભાગ લીધો હતો.દિલ્હી ફાયર સર્વિસ (ડ્ઢહ્લજી)ના અધિકારીઓએ જણાવ્યું કે, સવારે ટર્મિનલ-૧ પર ડોમેસ્ટિક ફ્લાઈટ્સ માટે પાર્કિંગ એરિયામાં વાહનોની લાંબી લાઈનો હતી. આ દરમિયાન પાર્કિંગની છત તૂટી પડી હતી. છતનો ભારે ભાગ અને ત્રણ લોખંડના આધાર બીમ વાહનો પર પડ્યા હતા. આ દરમિયાન અહીં પાર્ક કરેલી કાર નીચે દબાઈ ગઈ હતી.ૈંય્ૈં એરપોર્ટના ડીસીપી ઉષા રંગનાનીએ જણાવ્યું હતું કે ડિપાર્ચર ગેટ નંબર ૧થી ગેટ નંબર ૨ સુધી ફેલાયેલા ટર્મિનલ ૧ની બહારનો શેડ તૂટી પડ્યો હતો, જેમાં લગભગ ૪ વાહનો દબાઈ ગયાં હતાં. ડીએફએસના આસિસ્ટન્ટ ડિવિઝનલ ઓફિસર રવિન્દર સિંહે જણાવ્યું કે કાટમાળમાંથી આઠ લોકોને બચાવી લેવાયા છે.
Loading ...