નવીદિલ્હી: વડાપ્રધાન નરેન્દ્ર મોદી શુક્રવારે (૨૬ જુલાઈ) કેન્દ્ર શાસિત પ્રદેશ લદ્દાખના દ્રાસ પહોંચ્યા હતા. અહીં કારગિલ વિજય દિવસના અવસરે તેઓ વોર મેમોરિયલ પહોંચ્યા અને પાકિસ્તાન સામેના યુદ્ધમાં શહીદ થયેલા જવાનોને શ્રદ્ધાંજલિ આપી. પીએમ મોદીએ કારગિલથી પાકિસ્તાનને ચેતવણી આપી હતી કે તેની નાપાક યોજનાઓ ક્યારેય સફળ નહીં થાય.૧૯૯૯ના યુદ્ધમાં પાકિસ્તાન પર ભારતની જીતની યાદમાં આજે દેશભરમાં કારગિલ વિજય દિવસની ઉજવણી કરવામાં આવી હતી.
કારગીલમાં શહીદોને શ્રદ્ધાંજલિ અર્પણ કર્યા બાદ પીએમ મોદીએ લોકોને સંબોધતા કહ્યું, “કારગીલ વિજય દિવસ આપણને કહે છે કે રાષ્ટ્ર માટે આપેલા બલિદાન અમર છે. દિવસો, મહિનાઓ, વર્ષો પસાર થાય છે, દાયકાઓ પસાર થાય છે અને સદીઓ પણ પસાર થાય છે. જે લોકોએ રાષ્ટ્રની રક્ષા માટે પોતાનો જીવ જાેખમમાં મૂક્યો હતો તે અમે ફક્ત યુદ્ધ જ જીત્યા નથી, અમે ‘સત્ય, સંયમ અને શક્તિ’નું અદ્ભુત ઉદાહરણ આપ્યું છે.
પીએમ મોદીએ કહ્યું, “હું ભાગ્યશાળી છું કે કારગિલ યુદ્ધ દરમિયાન, હું મારા સૈનિકોની વચ્ચે એક સામાન્ય દેશવાસી તરીકે હતો. આજે જ્યારે હું ફરીથી કારગિલની ધરતી પર છું, ત્યારે સ્વાભાવિક છે કે તે યાદો મારા મનમાં તાજી થઈ ગઈ છે. મને યાદ છે. આપણા દળોએ કેવી રીતે આટલું મુશ્કેલ યુદ્ધ ઓપરેશન પાર પાડ્યું, હું તે શહીદોને સલામ કરું છું જેમણે માતૃભૂમિની રક્ષા માટે સર્વોચ્ચ બલિદાન આપ્યું છે.”પાકિસ્તાન પર પ્રહાર કરતા પીએમ મોદીએ કહ્યું કે, “કારગીલમાં અમે માત્ર યુદ્ધ જીત્યા નથી, અમે ‘સત્ય, સંયમ અને તાકાત’નું અદ્ભુત પ્રદર્શન કર્યું હતું. તમે જાણો છો કે તે સમયે ભારત શાંતિ માટે પ્રયાસ કરી રહ્યું હતું. બદલામાં પાકિસ્તાન ફરી એકવાર પોતાનો અવિશ્વાસભર્યો ચહેરો દેખાડ્યો, પરંતુ સત્ય સામે અસત્ય અને આતંકનો પરાજય થયો.”
Loading ...