તારક મહેતા કા ઉલ્ટા ચશ્મા’ના અભિનેતા શૈલેષ લોઢાના પિતા શ્યામ સિંહ લોઢાનું જોધપુરમાં નિધન થયું છે. અભિનેતાએ તેના ઇન્સ્ટાગ્રામ પર એક ભાવનાત્મક પોસ્ટ દ્વારા તેના પિતાના નિધનના સમાચાર શેર કર્યા છે. ટીવી સેલિબ્રિટી અને કવિ શૈલેષ લોઢાના પિતા છેલ્લા દોઢ મહિનાથી બીમાર હતા. મળતી માહિતી મુજબ તેની બંને કિડની ખરાબ હતી. આવી સ્થિતિમાં તેમને અઠવાડિયામાં ત્રણ વખત ડાયાલિસિસ કરાવવું પડ્યું. તેમના નિધનથી ઉદ્યોગ જગત અને સાહિત્ય જગતમાં શોકનો માહોલ છે.શૈલેષ લોઢાએ તેમનું દુઃખ અને ખાલીપણું શેર કર્યું અને કહ્યું કે આ થોડા શબ્દો તેમની પીડાને સંપૂર્ણ રીતે વ્યક્ત કરી શકતા નથી. ભારે હૈયે તેણે પોસ્ટમાં લખ્યું છે કે પિતાજી, કૃપા કરીને મને છેલ્લી વાર ‘બબલુ’ કહીને બોલાવો. આ પોસ્ટ તેમની વચ્ચેના ગાઢ સંબંધને સ્પષ્ટપણે દર્શાવે છે. શૈલેષ લોઢાએ પિતાની આંખો દાન કરવાનો ર્નિણય લીધો હતો. આજે બપોરે આઈ બેંક સોસાયટીની ટીમ બસનીમાં અભિનેતાના ઘરે પહોંચી હતી.શૈલેષ સિટકોમમાં તારક મહેતાનું પાત્ર ભજવવા માટે પ્રખ્યાત છે. મળતી માહિતી મુજબ, શૈલેષ લોઢાના પિતા શ્યામ સિંહ લોઢાના અંતિમ સંસ્કાર શુક્રવારે સવારે ૧૦ વાગ્યે સિવાંચી ગેટ સ્મશાન ગૃહમાં કરવામાં આવશે. જોકે, મેકર્સ સાથે ચાલી રહેલા વિવાદને કારણે અભિનેતાએ શો છોડી દીધો હતો. ‘તારક મહેતા કા ઉલ્ટા ચશ્મા’ છેલ્લા ૧૫ વર્ષથી ચાલી રહી છે. આ શોમાં દિલીપ જોશી જેઠાલાલનું પાત્ર ભજવે છે. આ પહેલા દિશા વાકાણીએ દયાનું પાત્ર ભજવ્યું હતું. જોકે, તે હવે આ શોનો ભાગ નથી.તારક મહેતા ફેમ અભિનેતાએ તેના સોશિયલ મીડિયા પર તેના પિતા સાથેની પોતાની એક તસવીર શેર કરી છે. આને શેર કરતી વખતે તેણે કેપ્શનમાં લખ્યું છે કે હું જે પણ છું, હું તમારો પડછાયો છું. આજે સવારે સૂર્યે વિશ્વને પ્રકાશિત કર્યું પરંતુ અમારા જીવનમાં અંધકાર છવાઈ ગયો. પપ્પાએ શરીર છોડી દીધું. જો આંસુની ભાષા હોત તો હું કંઈક લખી શક્યો હોત. ફરી એક વાર કહે, બબલુ.એક્ટર શૈલેષનો જન્મ લોજોધપુરમાં મારવાડી પરિવારમાં થયો હતો. પરંતુ તે પોતાની કારકિર્દી બનાવવા માટે મુંબઈ ગયો હતો. તાજેતરમાં ટકાર મહેતાના મેકર્સ સાથે ચાલી રહેલા વિવાદને કારણે તેણે શો છોડી દીધો હતો.