સરકારના ઈલેક્ટ્રોનિક નેશનલ એગ્રીકલ્ચર માર્કેટ (ઈ-નામ) પ્લેટફોર્મ પર વધુ રાજ્યો દ્વારા કૃષિ કોમોડિટીઝના વેપારની સુવિધા આપવા સાથે, સમગ્ર ભારતમાં ડિજિટલ જથ્થાબંધ પ્લેટફોર્મ પરનો વેપાર ૨૦૨૫ના નાણાંવર્ષના એપ્રિલ-જુલાઈ દરમિયાન રૂ. ૨૩,૫૨૩ કરોડને વટાવી ગયો, જે ૧૩ ટકા વધુ છે. .

ડિજિટલ પ્લેટફોર્મ પર કૃષિ-કોમોડિટીના આંતર-મંડી અને આંતર-રાજ્ય વેપારમાં પણ નોંધપાત્ર વધારો થયો છે, જે હાલમાં ૨૭ રાજ્યોમાં ૧૩૮૯ મંડીઓને એકીકૃત કરે છે. છેલ્લા પાંચ વર્ષમાં, કૃષિ મંત્રાલય દ્વારા સંચાલિત ડિજિટલ જથ્થાબંધ બજાર પરનો વેપાર ૨૦૧૯-૨૦માં રૂ. ૩૪,૯૪૦ કરોડથી ગત નાણાકીય વર્ષમાં ૧૨૪% વધ્યો છે. પ્લેટફોર્મે ૨૦૨૪ના નાણાંવર્ષમાં રૂ. ૭૮,૪૨૪ કરોડનું વેચાણ નોંધાવ્યું હતું.

કૃષિ મંત્રાલયે રાજ્યોને વિનંતી કરી છે કે બહારના વેપારીઓને બેંક ગેરંટી વિના કોમોડિટીઝ ખરીદવા અને વેચવાની મંજૂરી આપવા, સીમલેસ રાજ્યવ્યાપી વેપાર ઍક્સેસ માટે એકીકૃત લાયસન્સની જાેગવાઈ અને ફાર્મ ગેટથી પ્રાપ્તિ સહિતના ધોરણો હળવા કરવા જાેઈએ. ફાર્મ ગેટ, આંતર-રાજ્ય અને આંતર-મંડી વેપારનું પ્રમાણ હજુ પણ ઈ-નામના કુલ ટર્નઓવરનો એક નાનો હિસ્સો છે, તે દર્શાવે છે કે ખેડૂતો દ્વારા સારી કિંમત શોધવા માટે ઉપયોગમાં લેવાતા ડિજિટલ પ્લેટફોર્મ પર ધીમે ધીમે શિફ્ટ થઈ રહ્યું છે. સરકારનું ધ્યાન ખેડૂતોને ઇલેક્ટ્રોનિક-ચુકવણી વધારવા અને ઇ-નામ પર આંતર-મંડી અને આંતર-રાજ્ય વેપારને વધારવા પર છે. નાણાકીય વર્ષ ૨૦૨૫ના પ્રથમ ચાર મહિનામાં, ઇ-એનએએમ પર આંતર-મંડી વેપારમાં વાર્ષિક ધોરણે રૂ. ૫૮૦ કરોડનો વધારો થયો છે. આંતર-રાજ્ય વેપારના સંદર્ભમાં, જે ગયા નાણાકીય વર્ષમાં શરૂ થયો હતો, ચાલુ નાણાકીય વર્ષમાં પણ આ તેજી ચાલુ રહેશે. ફાર્મગેટ મોડલનો ઉપયોગ કરીને ડિજિટલ પ્લેટફોર્મ એપ્રિલ-જુલાઈ ૨૦૨૪-૨૫ પર કોમોડિટીઝની કુલ ટ્રેડેડ વેલ્યુ ૧૮ કરોડ રૂપિયા રહી છે, જે વર્ષમાં ૧૦૮ ટકાના વધારાની સરખામણીમાં છે.

સરકારે તાજેતરમાં જાહેરાત કરી છે કે ૧,૫૦૦ થી વધુ મંડીઓને ી-દ્ગછસ્ પ્લેટફોર્મ સાથે એકીકૃત કરવામાં આવશે. વધુમાં, ૪૦૦૯ ખેડૂત ઉત્પાદક સંગઠનો, ૦.૨૫ મિલિયન વેપારીઓ અને લગભગ ૦.૧૧ મિલિયન કમિશન એજન્ટો ઈ-નામ સાથે નોંધાયેલા છે. ઈ-નામ પ્લેટફોર્મ હાલમાં સંબંધિત રાજ્ય સરકારો દ્વારા સૂચિત ૨૧૯ કૃષિ, બાગાયતી અને અન્ય કોમોડિટીઝમાં ઓનલાઈન ટ્રેડિંગની મંજૂરી આપે છે.