દિલ્હી-
યુએસ રાષ્ટ્રપતિ ડોનાલ્ડ ટ્રમ્પના ટેકેદારોએ પાછલા દિવસે કેપિટલ હિલમાં હોબાળો મચાવ્યો હતો. ટ્રમ્પના સેંકડો સમર્થકોએ સેનેટમાં ઘૂસીને ત્યાં તોડફોડ કરી અને અનેક કચેરીઓ કબજે કરી. આ સમગ્ર ઘટના બાદ ડોનાલ્ડ ટ્રમ્પને માત્ર અમેરિકા જ નહીં પરંતુ અન્ય દેશોમાં પણ નિશાન બનાવવામાં આવ્યા છે. ભારતના વડા પ્રધાન નરેન્દ્ર મોદીએ આ ઘટનાની નિંદા કરી છે, જ્યારે હવે કેન્દ્રીય પ્રધાન રામદાસ અઠાવલેએ ડોનાલ્ડ ટ્રમ્પ પર નિશાન સાધ્યું છે.
પોતાના નિવેદનોથી હંમેશા જ ચર્ચામાં રહેતા રિપબ્લિકન પાર્ટી ઓફ ઈન્ડિયાના વડા એવા રામદાસ અઠાવલેએ કહ્યું છે કે હું ડોનાલ્ડ ટ્રમ્પ સાથે વાત કરીશ. તેમના કારણે, અમારી રિપબ્લિકન પાર્ટીની છબી દૂષિત થઈ રહી છે. નાસિકમાં મીડિયા સાથે વાત કરતા રામદાસ અઠાવલેએ કહ્યું કે, હાલના દિવસોમાં ડોનાલ્ડ ટ્રમ્પનું વર્તન યોગ્ય નથી. આ અમારી રિપબ્લિકન પાર્ટીની છબી બગાડે છે. રામદાસ અઠાવલેએ વધુમાં કહ્યું કે, રિપબ્લિકન પાર્ટીની છબી બગડે તે યોગ્ય નથી અને તેથી જ હું ડોનાલ્ડ ટ્રમ્પ સાથે ફોન પર વાત કરીશ. હું તેમને મનાવવાનો પ્રયત્ન કરીશ.
Loading ...