નવી દિલ્હી: હરારેમાં ભારત અને ઝિમ્બાબ્વે વચ્ચે 5 મેચની T20 સીરીઝની બીજી મેચ રમાઈ રહી છે. આ મેચમાં યુવા ડાબોડી બેટ્સમેન સાઈ સુદર્શને ભારત માટે ટી20 ઈન્ટરનેશનલ ડેબ્યૂ કર્યું હતું. આ પહેલા સુદર્શને 2023માં ભારત માટે આંતરરાષ્ટ્રીય વનડે ડેબ્યૂ કર્યું હતું. હવે તેની પાસે ઝિમ્બાબ્વે સામે શાનદાર પ્રદર્શન કરીને ટીમને જીત તરફ લઈ જવાની તક હશે. આ મેચમાં ભારતીય કેપ્ટન શુભમન ગિલ ટોસ માટે મેદાનમાં આવ્યો હતો. ટોસ જીત્યા બાદ તેણે ઝિમ્બાબ્વેના કેપ્ટન સિકંદર રઝાને પ્રથમ બોલિંગ કરવા આમંત્રણ આપ્યું હતું. આ સમયે ગીલે જાહેરાત કરી હતી કે તે ખલીલ અહેમદની જગ્યાએ પ્લેઈંગ-11માં સાઈ સુદર્શનનો સમાવેશ કરી રહ્યો છે. આ સાથે સાઈ સુદર્શને ભારત માટે ટી20માં ડેબ્યૂ કર્યું હતું. ટીમ ઈન્ડિયાના કેપ્ટન શુભમન ગિલે સાઈ સુદર્શનને પોતાની ડેબ્યૂ કેપ આપી હતી. સાઈ સુદર્શન તમિલનાડુ માટે સ્થાનિક ક્રિકેટ રમે છે. તે IPLમાં ગુજરાત ટાઇટન્સ ટીમ તરફથી રમતા જોવા મળે છે. તેણે IPLની 25 મેચોની 25 ઇનિંગ્સમાં 1 સદી અને 6 અડધી સદી સાથે 1034 રન બનાવ્યા છે. આ સિવાય તેણે ટીમ ઈન્ડિયા માટે 3 ODI મેચમાં 2 અડધી સદી સાથે 127 રન બનાવ્યા છે. હવે તે T20 ક્રિકેટમાં પોતાને સાબિત કરવા માંગશે.
Loading ...