પેરિસ:રૂબીના ફ્રાન્સિસે શાનદાર પ્રદર્શન કર્યું અને મહિલાઓની ૧૦ મીટર એર પિસ્તોલ જીૐ૧ ફાઇનલમાં બ્રોન્ઝ મેડલ જીત્યો, ભારતને પેરિસ પેરાલિમ્પિક ગેમ્સમાં તેનો પાંચમો મેડલ અપાવ્યો. રૂબીના ક્વોલિફિકેશનમાં સાતમા ક્રમે રહી હતી, પરંતુ તેણે ફાઇનલમાં જાેરદાર પ્રદર્શન કર્યું હતું. આ પેરાલિમ્પિક્સમાં શૂટિંગમાં ભારતનો આ ચોથો મેડલ છે. રૂબીના પહેલા, અવની લેખારાએ મહિલાઓની ૧૦ મીટર એર રાઈફલ સ્ટેન્ડિંગ જીૐ૧ ઈવેન્ટમાં ભારત માટે ગોલ્ડ મેડલ જીત્યો હતો. જ્યારે મોનાએ બ્રોન્ઝ જીત્યો હતો. તે જ સમયે, મનીષ નરવાલે પુરુષોની ૧૦ મીટર એર પિસ્તોલ જીૐ૧ ઇવેન્ટમાં સિલ્વર મેડલ જીત્યો હતો. રૂબીનાએ ૫૫૬ના સ્કોર સાથે ક્વોલિફિકેશનમાં સાતમું સ્થાન મેળવીને ફાઇનલમાં જગ્યા બનાવી હતી. ફાઇનલમાં તેણે ૨૧૧.૧નો સ્કોર કર્યો હતો. રૂબીના એક સમયે બીજા સ્થાને ચાલી રહી હતી, પરંતુ તે છઠ્ઠી શ્રેણીમાં પાછળ પડી ગઈ હતી, પરંતુ ટોચના ત્રણમાં રહેવામાં સફળ રહી હતી. ૨૫ વર્ષની રૂબીના ક્વોલિફિકેશન રાઉન્ડમાં ટોપ આઠ શૂટર્સથી પાછળ રહી ગઈ હતી પરંતુ તેણે અંતે વેગ બતાવ્યો અને મેડલની રેસમાં પહોંચી ગઈ. મધ્યપ્રદેશની આ શૂટર ત્રણ વર્ષ પહેલા ટોક્યો પેરાલિમ્પિક્સના ક્વોલિફાઈંગ રાઉન્ડમાં સાતમા સ્થાને રહી હતી અને પછી ફાઇનલમાં પણ સાતમા સ્થાને રહી હતી, પરંતુ રૂબીનાએ પેરિસમાં ટોક્યોની નિરાશાને પાછળ છોડી દીધી હતી અને બ્રોન્ઝ મેળવવામાં સફળ રહી હતી. જીૐ૧ માં કેટેગરીમાં, તે પેરા શૂટરો ભાગ લે છે જેઓ કોઈપણ સમસ્યા વિના પિસ્તોલને હેન્ડલ કરી શકે છે અને વ્હીલચેર અથવા ખુરશી પર બેસીને અથવા ઊભા રહીને શૂટ કરી શકે છે.