વોશિંગ્ટન-

જ્યારથી તાલિબાનોએ અફઘાનિસ્તાન પર કબજો કર્યો છે, દેશની આ સ્થિતિ માટે વિશ્વના ઘણા દેશો તેમજ અમેરિકનો ખુદ તેમના રાષ્ટ્રપતિને દોષિત માને છે. જો બિડેનના લશ્કર પરત ખેંચવાના નિર્ણય બાદ તાલિબાનોએ અફઘાનિસ્તાન પર કબજો જમાવી લીધો અને સામાન્ય જનતાને તેનો ભોગ બનવું પડ્યું. આ નિર્ણય માટે અમેરિકામાં બિડેનને નિશાન બનાવવાનું અભિયાન શરૂ થયું છે. આ અભિયાનના ભાગરૂપે રાષ્ટ્રપતિને તાલિબાન આતંકવાદી તરીકે દર્શાવતા હોર્ડિંગ્સ લગાવવામાં આવ્યા છે. જેના પર લખ્યું છે, 'મેકિંગ ધ તાલિબાન ગ્રેટ અગેન'.

'ધ સન'ના અહેવાલ અનુસાર, પેન્સિલવેનિયાના પૂર્વ સેનેટર સ્કોટ વેગનરે રાષ્ટ્રપતિ જો બિડેન સામે આ અભિયાન શરૂ કર્યું છે. તે કહે છે કે બિડેનના એક નિર્ણયને કારણે અમેરિકાને તેની મજાક ઉડાવતા સમગ્ર વિશ્વ સામે શરમનો સામનો કરવો પડ્યો હતો. બે મહિનાના આ અભિયાનના ભાગરૂપે બિડેનને તાલિબાન આતંકવાદી તરીકે દર્શાવતા બિલબોર્ડ દરેક જગ્યાએ લગાવવામાં આવ્યા છે.

બિલબોર્ડ પર લગાયેલા પોસ્ટરમાં બિડેન તાલિબાન ગેટઅપ માં છે અને તેમના હાથમાં રોકેટ લોન્ચર દેખાય છે. સ્કોટ વેગનરે બતાવવાનો પ્રયાસ કર્યો છે કે રાષ્ટ્રપતિએ અફઘાનિસ્તાનમાંથી સૈનિકો પાછા ખેંચીને તાલિબાનને મદદ કરી છે. બિલબોર્ડમાં 'મેકિંગ ધ તાલિબાન ગ્રેટ અગેન' પણ લખવામાં આવ્યું છે, એટલે કે તાલિબાનને ફરી મહાન બનાવવું પણ લખ્યું છે.