ચેન્નઇ-

તામિલનાડુના એક સ્ટોરમાં રાખવામાં આવેલા હ્યુમનઓઇડ રોબોટ વિશે ઘણી ચર્ચા થઈ રહી છે. 'ઝફીરા' નામનો આ રોબોટ ભારતીય પોશાકમાં જોવા મળી શકે છે. તમિળનાડુના તિરુચિરાપલ્લીમાં કપડાની દુકાનમાં કામ કરવા વાળી ઝફીરા અહીંના લોકોને આવકારી રહી છે. કૃત્રિમ બુદ્ધિથી સજ્જ, ઝફીરા માત્ર કોરોનાવાયરસ વચ્ચે દુકાન પર આવતા ગ્રાહકોને સેનિટાઇઝર આપે છે, તેણી ગ્રાહકનુ  તાપમાન પણ તપાસે છે. ઝફિરાનું કામ દુકાન પર આવતા ગ્રાહકોની સંખ્યા પર ધ્યાન રાખવાનું છે, તેમને માસ્ક પહેરે છે અને સામાજિક અંતરના નિયમોનું પાલન કરવા માટે પ્રોત્સાહિત કરે છે.

ઝફિરાને એવી રીતે ડિઝાઇન કરવામાં આવી છે કે તે ગ્રાહકોનું તાપમાન તપાસે છે અને સેન્સર્સની મદદથી ગ્રાહકોને સેનિટાઇઝર વિતરણ કરે છે. આ રોબોટ સ્ટોરમાં કોરોનાવાયરસ સામેની સાવચેતી પગલા તરીકે મૂકવામાં આવ્યો છે. ઝફીરાને ઝફી રોબોટ્સ નામની કંપનીએ બનાવી છે. ન્યૂઝ એજન્સી સાથે વાત કરતાં, કંપનીના સીઈઓ આશિક રેહમાને કહ્યું કે 'કોરોના આવતાની સાથે લોકડાઉનના સમયમાં અમે આ રોબોર્ટ પર કામ શરું કરી દિધુ હતુ જેના કારણે અમે લોકોની મદદ કરી શકિએ.આ રોબોટ ઇન્ટેલિજન્સ સિસ્ટમથી સજ્જ છે. આ રોબોટ એક સમયે સ્ટોર પર આવતા ગ્રાહકોની સંખ્યા પર પણ નજર રાખે છે અને તેની સંપૂર્ણ વિગતો ઇ-મેઇલ દ્વારા સ્ટોરને આપે છે. આશિક રહેમાને કહ્યું કે તેમની ટીમને તામિલનાડુ અને કેરળના ઘણા સ્ટોર્સ અને શોરૂમોના ઓર્ડર મળ્યા છે, ત્યારબાદ તેમની ટીમ મોટા પાયે આવા રોબોનું નિર્માણ કરી રહી છે.