મુંબઇ

બોલિવૂડ સ્ટાર સોનુ સૂદે જ્યારથી કોરોના વાયરસના કારણે થયેલા લોકડાઉનમાં પ્રવાસી મજૂરોની મદદ કરી છે. ત્યારથી દુનિયાભરમાં તેની ફેન ફોલોઈંગમાં ખૂબ જ વધારો થયો છે. સોનુ સૂદ હાલ પણ વારંવાર જરુરિયાતમંદની મદદ કરી રહ્યો છે અને ચર્ચામાં છે. ફેન્સ સોનુ સૂદ પાછળ કેટલા દિવાના છે તેનો અંદાજો તાજેતરમાં જ જોવા મળ્યો જ્યારે સોનુ સૂદ મંદિરમાં દર્શન કરવા માટે શિરડી પહોંચ્યો.

People going crazy in #Shirdi when they saw #SonuSood. Started applauding. Calling him THE REAL HERO@Sonusood pic.twitter.com/hBHys0Ulqi

— BARaju (@baraju_SuperHit) January 9, 2021

સોશિયલ મીડિયા પર એક વિડીયો વાઈરલ થઈ રહ્યો છે. જેમાં સોનુ સૂદ શિરડીના મંદિર બહાર નીકળતો જોવા મળ્યો છે અને બહાર હજારોની ભીડ સોનુ માટે 'રિયલ હિરો-રિયલ હિરો' જેવા શબ્દોથી બૂમ પાડી રહ્યાં છે. આ વિડીયોમાં સોનુ સૂદ ફેન્સનું અભિવાદન કરતા જોવા મળ્યા છે. ફેન્સની ભીડ ત્યારે ક્રેઝી થઈ ગઈ હતી જ્યારે સોનુ સૂદ પોતાની કાર પર ઉભો થઈ જાય છે.