પેરિસ:140 કરોડ ભારતીયોની ઓલિમ્પિક મેડલની આશા ભારતની સ્ટાર શટલર પીવી સિંધુએ આસાન જીત સાથે પોતાના અભિયાનની શરૂઆત કરી છે. સિંધુએ રવિવારે અહીં રમાયેલી બેડમિન્ટન મહિલા સિંગલ્સ મેચમાં માલદીવની ખેલાડી અબ્દુલ રઝાકને સીધા સેટમાં 21-9, 21-6થી હરાવી હતી. આ વખતે ઓલિમ્પિકમાં ભારત માટે બ્રોન્ઝ અને સિલ્વર મેડલ જીતનારી સિંધુ પાસેથી દરેકને ગોલ્ડ મેડલની અપેક્ષા છે. બે વખતની ઓલિમ્પિક મેડલ વિજેતા સિંધુએ પહેલા સેટમાં તેની સર્વિસ પર 14 પોઈન્ટ બનાવ્યા જ્યારે બીજા સેટમાં તેણે 18 પોઈન્ટ બનાવ્યા. સિંધુની તેની માલદીવની હરીફ સામે બે મેચમાં બીજી જીત છે.આ પહેલા તેણે 2022ની કોમનવેલ્થ ગેમ્સમાં પણ પ્રથમ સેટમાં ધીમી શરૂઆત કરી હતી. અને વિરોધી ખેલાડીને ઘણી સરળ તકો આપી. સેટની શરૂઆતમાં સ્કોર 3-3થી બરાબર હતો. પરંતુ આ પછી સિંધુએ માલદીવની ખેલાડીને કોઈ તક આપી ન હતી અને મધ્ય બ્રેક સુધી તેણે 11-4ના સ્કોર સાથે 7 પોઈન્ટની નોંધપાત્ર લીડ મેળવી હતી. બ્રેક બાદ સિંધુએ પોતાનું શાનદાર પ્રદર્શન ચાલુ રાખ્યું અને પહેલો સેટ 21-9થી જીતી લીધો. ભારતની ટોચની શટલર પીવી સિંધુ બીજા સેટમાં જબરદસ્ત ફોર્મમાં જોવા મળી હતી, જે વિશ્વ રેન્કિંગમાં 99માં ક્રમે છે, તેની પાસે સિંધુના બુલેટ જેવા સ્મેશનો કોઈ જવાબ નહોતો. સિંધુએ બીજો સેટ 21-6થી જીત્યો હતો. કેટલીક ભૂલોને બાદ કરતાં સિંધુએ સમગ્ર રમત દરમિયાન શાનદાર પ્રદર્શન કર્યું હતું. ૨૯ વર્ષીય પીવી સિંધુની આગળની ગ્રુપ મેચ બુધવારના રોજ બપોરના ૧૨.૫૦ કલાકે રમાશે .આ મેચમાં તેનો સામનો વિશ્વમાં નંબર 73 એસ્ટોનિયાની ક્રિસ્ટિન કુબા સાથે થશે.