તૃણમૂલ કોંગ્રેસના નેતા અભિષેક બેનર્જીએ આરોપ લગાવ્યો કે પ્રોટેમ સ્પીકરે લોકસભા સ્પીકરની ચૂંટણીમાં વોટિંગની મંજૂરી આપી ન હતી. જ્યારે વિપક્ષી સાંસદોએ મતોના વિભાજનની માંગ કરી હતી. તેમણે કહ્યું કે આ દર્શાવે છે કે સરકાર પાસે સંખ્યા નથી. સંસદની બહાર પત્રકારો સાથે વાત કરતા તેમણે કહ્યું કે નિયમો અનુસાર, જાે કોઈ સભ્ય દ્વારા માંગ કરવામાં આવે તો પણ મતના વિભાજનની મંજૂરી હોવી જાેઈએ. નિયમ જણાવે છે કે જાે ગૃહના કોઈપણ સભ્ય મતોના વિભાજનની માંગ કરે છે, તો પ્રોટેમ સ્પીકરે તેની મંજૂરી આપવી પડશે. તમે લોકસભાના ફૂટેજ પરથી જાેઈ અને સાંભળી શકો છો કે વિપક્ષના ઘણા સભ્યોએ વોટના વિભાજનની માંગ કરી હતી. ટીએમસી સાંસદે જણાવ્યું હતું કે, દરખાસ્તને મતદાન માટે મૂક્યા વિના સ્વીકારવામાં આવી હતી. આ સ્પષ્ટ પુરાવો છે કે શાસક પક્ષ ભાજપ પાસે પૂરતી સંખ્યા નથી. આ સરકાર સંખ્યાબળ વગર ચાલી રહી છે. આ ગેરકાયદેસર, અનૈતિક અને ગેરબંધારણીય છે. દેશની જનતા તેને બહારનો રસ્તો બતાવી ચૂકી છે. વિપક્ષે આરોપ લગાવ્યો છે કે આઠ વખત કોંગ્રેસના સાંસદ કે તેના ઉમેદવાર તરીકે કે.સુરેશનું નામ આગળ મૂકવામાં આવ્યું હતું.વિપક્ષ દ્વારા મતોના વિભાજન માટે દબાણ ન કરવાના પ્રશ્ન પર, બેનર્જીએ કહ્યું, પ્રશ્ન એ નથી કે મતોના વિભાજનની માંગ કેટલી મજબૂત રીતે કરવામાં આવી હતી. નિયમ કહે છે કે જાે ૫૦૦ લોકોમાંથી એક પણ મત વિભાજનની માંગ કરે તો તેને મંજૂરી આપવી જાેઈએ. તેમણે કહ્યું કે, માત્ર પ્રોટેમ સ્પીકર જ સમજાવી શકે છે કે વોટના વિભાજનની મંજૂરી કેમ આપવામાં આવી નથી. તૃણમૂલ કોંગ્રેસના અન્ય સાંસદ કલ્યાણ બેનર્જીએ પણ કહ્યું કે લોકસભા સ્પીકરની ચૂંટણી કાયદા મુજબ કરવામાં આવી નથી. તૃણમૂલ સાંસદ કીર્તિ આઝાદે દાવો કર્યો હતો કે વિપક્ષના ઓછામાં ઓછા આઠ સભ્યોએ મતોના વિભાજનની માંગ કરી હતી.શિવસેનાના સાંસદ સંજય રાઉતે કહ્યું હતું કે વિરોધ પક્ષોએ મતદાન માટે દબાણ કર્યું ન હતું અને સ્પીકર પદ માટે ચૂંટણી ન યોજવાની પરંપરા જાળવી રાખી હતી.