પ્રભાસની ‘કલ્કિ’ને બોક્સ ઓફિસ પર સફળતા મળી તેથી હાલ તે ખૂબ ઉત્સાહમાં છે. તેણે એ સાબિત કરી દીધું છે કે તે એક માત્ર તેલુગુ સ્ટાર છે જે તેલુગુ ભાષી રાજ્યો સાથે હિન્દી દર્શકો અને વિદેશોમાં પણ ફિલ્મને મોટી સફળતા અપાવી શકે છે. હાલ હવે તે આ વર્ષના અંત ભાગમાં બે નવી ફિલ્મો પર કામ શરૂ કરશે, સાથે જ હાલ તે જે ફિલ્મમાં કામ કરી રહ્યો છે તે પણ ચાલુ રાખશે. ડિરેક્ટર પ્રશાંત નીલ ઓગસ્ટમાં ‘સાલાર ૨’નું શૂટ શરૂ કરવા માગે છે, તેમાં પ્રભાસે પણ જાેડાવું પડશે. આ ‘કલકી’ પછી તેની પહેલી ફિલ્મ હશે. આ સિવાય પ્રભાસ ફિલ્મ મેકર હનુ રાઘવપુડીની પિરીયડ ડ્રામા પણ આ વર્ષના અંત સુધીમાં શરૂ કરી દેશે. આમ ટૂંક સમયમાં પ્રભાસ એક સાથે બે ફિલ્મો શરૂ કરશે. આ ઉપરાંત તે મરાઠી ફિલ્મ ‘ધ રાજા સાબ’ પણ પૂરી કરશે. ઘણા વર્ષાેથી આ ફિલ્મનું શૂટિંગ ચાલે છે. તો બીજી તરફ ડિરેક્ટર સંદીપ રેડ્ડી વાંગાની ફિલ્મ પણ ૨૦૨૫ની શરૂઆતમાં શરૂ થશે. એક વખતે સફળતાના કારણે અક્ષય કુમાર પાસે પણ અનેક ઓફર આવવા લાગી અને તેણે સ્વીકારી પણ લીધી. એક પછી એક અક્ષયની એટલી બધી ફિલ્મો આવવા લાગી કે સ્થિતિ એવી થઈ કે જાણે ઓડિયન્સને તેની ફિલ્મો જાેવામાં રસ જ ન રહ્યો અને પછી તેની ફિલ્મો એક પછી એક બોક્સ ઓફિસ પર નિષ્ફળ થવા માંડી. આમ કલ્કિ અને બાહુબલિની કે સાલારની સફળતાને કારણે પ્રભાસ પણ એક પછી એક ફિલ્મો સ્વીકારવા માંડ્યો છે અને આ ફિલ્મો એક પછી એક રિલીઝ થયા કરશે કે એક સાથે ક્લેશ થશે તો તેમની સ્થિતિ પણ અક્ષય કુમારની ફિલ્મો જેવી થવાનો ડર પ્રભાસના ફૅન્સને સતાવવા લાગ્યો છે. હવે આવનારા દિવસોમાં જાેવાનું રહ્યું કે, પ્રભાસની કઈ ફિલ્મ ક્યારે આવે છે અને કેટલી ચાલે છે.