નવી દિલ્હી:આ વર્ષે પેરિસ પેરાલિમ્પિક્સમાં ભારતીય ખેલાડીઓએ પોતાના શાનદાર પ્રદર્શનથી ઘણા રેકોર્ડ તોડ્યા હતા. મનીષ નરવાલે ૧૦ મીટર પિસ્તોલ શૂટિંગમાં સિલ્વર મેડલ જીતીને ઈતિહાસ રચ્યો હતો. મંગળવારે મનીષ નરવાલે સિલ્વર મેડલ જીત્યા બાદ તેના પિતાએ તેને ૧.૫ કરોડ રૂપિયાની ડિફેન્ડર કાર ભેટમાં આપી હતી. પેરાલિમ્પિક્સમાં સિલ્વર મેડલ જીત્યા બાદ મનીષ નરવાલ મંગળવારે ફરીદાબાદમાં પોતાના પરિવાર સાથે પહોંચ્યો હતો. જ્યાં બદરપુર બોર્ડર પર હાજર સેંકડો લોકોએ તેમનું ફૂલોના હાર પહેરાવી ભવ્ય સ્વાગત કર્યું હતું, આ દરમિયાન મનીષ નરવાલે પત્રકારો સાથે વાત કરતાં કહ્યું હતું કે તેઓ યુવાનોને એક જ સંદેશ આપવા માંગે છે કે તેઓ કોઈપણ સંજાેગોમાં હાર ન માને. . જાે કોઈ ખેલાડી સખત મહેનત અને સમર્પણ સાથે પોતાની રમત પર ધ્યાન આપે તો તે ચોક્કસપણે ભવિષ્યમાં મોટું સ્થાન હાંસલ કરી શકે છે, મનીષ નરવાલના પિતાએ કહ્યું, ‘મને મારા પુત્ર પર ગર્વ છે. મનીષે પરિવારની સાથે સાથે દેશને પણ ગૌરવ અપાવ્યું છે. મનીષ પેરાલિમ્પિકમાં ગોલ્ડ મેડલ જીતી ચૂક્યો છે. આ વખતે તે ૧૦ મીટરમાં સિલ્વર મેડલ લાવ્યો છે, તે ગોલ્ડ ચૂકી ગયો છે. પરંતુ, આગામી સમયમાં ૨૦૨૮ માં તે ચોક્કસપણે ગોલ્ડ મેડલ લાવશે તે જાણીતું છે કે પેરિસ પેરાલિમ્પિક્સ ૨૦૨૪ માં, મનીષ નરવાલે પુરુષોની ૧૦ મીટર એર પિસ્તોલ શૂટિંગ જીૐ૧ ઇવેન્ટમાં સિલ્વર મેડલ જીત્યો હતો. વિશ્વના સર્વશ્રેષ્ઠ પેરા-શૂટરો સામે હરીફાઈ કરતા, મનીષ નરવાલે સંપૂર્ણ ચોકસાઈ અને ધ્યાનનું પ્રદર્શન કર્યું હતું.
Loading ...