નવી દિલ્હી:સંસદ સત્રના બીજા દિવસે ૧૮મી લોકસભા માટે ચૂંટાયેલા સાંસદોને શપથ લેવડાવવામાં આવી રહ્યા છે. દરમિયાન હૈદરાબાદના સાંસદ અને છૈંસ્ૈંસ્ના વડા અસદુદ્દીન ઓવૈસીએ લોકસભામાં શપથ લેતી વખતે જય પેલેસ્ટાઈન બોલ્યા ત્યારે હોબાળો થયો હતો. ભાજપના સાંસદોએ ઓવૈસીને જય પેલેસ્ટાઈન કહેવા સામે વાંધો ઉઠાવ્યો છે. હૈદરાબાદથી સતત પાંચમી વખત ચૂંટાયેલા સાંસદ અસદુદ્દીન ઓવૈસીએ મંગળવારે ૧૮મી લોકસભાના સભ્ય તરીકે ઉર્દૂમાં શપથ લીધા હતા.

તેમણે છેલ્લે જય ભીમ, જય મીમ, જય તેલંગાણા, જય પેલેસ્ટાઈન કહ્યું. ઓવૈસીએ સાંસદ તરીકે શપથ લીધા બાદ અલ્લાહ-ઓ-અકબરના નારા પણ લગાવ્યા હતા, ત્યારબાદ ભાજપના સાંસદોએ વિરોધ નોંધાવ્યો હતો અને કાર્યવાહીમાંથી તેમના ‘જય પેલેસ્ટાઈન’ શબ્દો હટાવવાની માંગ કરી હતી. ભાજપના સાંસદોના વિરોધ બાદ પ્રોટેમ સ્પીકરે કહ્યું કે જાે ઓવૈસીના શપથ ભાષણમાં કોઈ વાંધાજનક વસ્તુ મળી આવશે તો તેને કાર્યવાહીના રેકોર્ડમાંથી હટાવી દેવામાં આવશે. તે જ સમયે, સંસદીય બાબતોના પ્રધાન કિરેન રિજિજુએ કહ્યું કે અમારી પેલેસ્ટાઈન કે અન્ય કોઈ દેશ સાથે કોઈ દુશ્મની નથી. શપથ લેતી વખતે કોઈ સભ્ય માટે બીજા દેશની પ્રશંસામાં નારા લગાવવા યોગ્ય છે કે કેમ, આપણે આ માટેના નિયમો જાેવા પડશે. તે જ સમયે, જ્યારે ‘જય પેલેસ્ટાઈન’ કહેવા પર વિવાદ થયો હતો, ત્યારે અસદુદ્દીન ઓવૈસીએ કહ્યું હતું કે ‘જય ભીમ, જય મીમ, જય તેલંગાણા, જય પેલેસ્ટાઈન’ કહેવું કેવી રીતે બંધારણની વિરુદ્ધ છે, બંધારણની જાેગવાઈઓ બતાવો. ઓવૈસીએ કહ્યું કે ઘણા સાંસદો ઘણું કહી રહ્યા છે. તેણે પણ કંઈક કહ્યું. જ્યારે બીજેપી સાંસદ અને કેન્દ્રીય મંત્રી જી કિશન રેડ્ડીએ વિરોધ કર્યો તો ઓવૈસીએ કહ્યું કે વિરોધ કરવાનું તેમનું કામ છે. લોકસભાના સભ્ય તરીકે શપથ લીધા બાદ ઓવૈસીએ ઠ પર વિડિયો શેર કર્યો અને લખ્યું કે, તેઓ સંસદમાં ઈમાનદારીથી ભારતના હાંસિયામાં ધકેલાઈ ગયેલા લોકોના મુદ્દા ઉઠાવતા રહેશે.અસદુદ્દીન ઓવૈસીના ‘જય પેલેસ્ટાઈન’ બોલવા પર કેન્દ્રીય મંત્રી જી કિશન રેડ્ડીએ કહ્યું કે તેઓ બિલકુલ ખોટા છે. આ ગૃહના નિયમોની વિરુદ્ધ છે. ભારતમાં રહીને તે ‘ભારત માતા કી જય’ બોલતો નથી. લોકોએ સમજવું જાેઈએ કે તેઓ દેશમાં રહીને ગેરબંધારણીય કામ કરી રહ્યા છે.