"ડાન્સ દીવાને ૪" ના ફિનાલેમાં ટોચના છ ફાઇનલિસ્ટ વચ્ચે ટ્રોફી માટે જાેરદાર સ્પર્ધા જાેવા મળી હતી. નીતિન અને ગૌરવને શોના વિજેતા જાહેર કરવામાં આવ્યા હતા. બંનેએ પોતાના શાનદાર ડાન્સ પરફોર્મન્સથી માત્ર દર્શકોનું જ નહીં પણ શોના જજનું પણ દિલ જીતી લીધું હતું. ગૌરવ ૨૨ વર્ષનો છે અને તે દિલ્હીનો છે, જ્યારે ૧૯ વર્ષનો નીતિન બેંગ્લોરનો છે. કલર્સ ટીવીની 'ડાન્સ દીવાને' સિઝન ૪ ફેબ્રુઆરી ૨૦૨૪માં શરૂ થઈ હતી. હવે ત્રણ મહિના પછી માધુરી દીક્ષિત અને સુનીલ શેટ્ટીનો આ ડાન્સ રિયાલિટી શો ખતમ થઈ ગયો છે.

'ડાન્સ દીવાને ૪'ના ઈતિહાસમાં આ પહેલો શો હતો, જેને કોઈ કોરિયોગ્રાફરે નહીં પરંતુ બે કલાકારોએ જજ કર્યો હતો. માધુરી દીક્ષિત અને સુનીલ શેટ્ટીએ ત્રણ મહિના પછી શો 'ડાન્સ દીવાને ૪'ના ગ્રાન્ડ ફિનાલેમાં બે સ્પર્ધકોને વિજેતા જાહેર કર્યા છે. ગૌરવ અને નીતિન સાથે, યુવરાજ અને યુવંશ, ચિરાશ્રી અને ચેનવીર, શ્રીરંગ અને વર્ષા, દિવ્યાંશ અને હર્ષ, કાશવી અને તરનજાેત પણ આ શોના ગ્રાન્ડ ફિનાલેમાં પહોંચ્યા હતા.

ટ્રોફીની સાથે ગૌરવ અને નીતિનને ચેનલ તરફથી ૨૦ લાખ રૂપિયાનું ઈનામ પણ મળ્યું છે. ફેબ્રુઆરી ૨૦૨૪ માં શરૂ થયેલી સિઝન ૪ એ પણ દર્શકોનું ઘણું મનોરંજન કર્યું. માધુરી દીક્ષિત અને સુનીલ શેટ્ટી આ વખતે સાથે શોને જજ કરતા જાેવા મળ્યા હતા. એટલું જ નહીં, બંનેએ તેમના ચાહકોનું સંપૂર્ણ મનોરંજન કર્યું અને તેમનું દિલ પણ જીતી લીધું.

ગ્રાન્ડ ફિનાલેમાં 'ધક ધક ગર્લ્સ'એ 'ખોયા હૈ' પર ડાન્સ કર્યો હતો જ્યારે સુનીલ શેટ્ટીએ 'સંદેસે આતે હૈં' પર પરફોર્મ કર્યું હતું. કાર્તિક આર્યન પણ આ ઉજવણીમાં હાજર રહ્યો હતો અને સ્ટેજ પર તેની આગામી ફિલ્મ 'ચંદુ ચેમ્પિયન'નું પ્રમોશન કર્યું હતું. આ ફિલ્મનું નિર્માણ સાજિદ નડિયાદવાલા અને કબીર ખાન દ્વારા કરવામાં આવ્યું છે. આ ફિલ્મનું નિર્દેશન કબીર ખાને કર્યું છે. ફિલ્મ 'ચંદુ ચેમ્પિયન' ૧૪ જૂન, ૨૦૨૪ના રોજ સિનેમાઘરોમાં રિલીઝ થવાની છે.