નવી દિલ્હી: T20 વર્લ્ડકપની છેલ્લી મેચમાં ન્યુઝીલેન્ડે યુગાન્ડાને ખરાબ રીતે હરાવ્યું છે. બંને ટીમો વચ્ચે 40 ઓવરની આ મેચ માત્ર 24 ઓવરમાં સમાપ્ત થઈ ગઈ હતી. પ્રથમ બેટિંગ કરવા આવેલી યુગાન્ડાની ટીમ 18.4 ઓવરમાં ઓલઆઉટ થઈ ગઈ હતી. જેના જવાબમાં ન્યૂઝીલેન્ડે 5.2 ઓવરમાં મેચ જીતી લીધી હતી. પ્રથમ બેટિંગ કરવા આવેલી યુગાન્ડાની ટીમ પણ કિવી બોલરો સામે સંઘર્ષ કરી શકી ન હતી. યુગાન્ડાના એક બેટ્સમેનને બાદ કરતાં કોઈ બેટ્સમેન ડબલ ફિગર પાર કરી શક્યો નહોતો. કેનેથ વેસ્વાએ સૌથી વધુ 11 રન બનાવ્યા હતા. આ સિવાય 4 બેટ્સમેન સિમોન સેસાજી, રોબિન્સન ઓબાયા, અલ્પેશ રામજાની અને જુમા મિયાગી ખાતું ખોલાવ્યા વિના 0 રને આઉટ થઈ ગયા હતા. રોનક પટેલ અને રિયાઝત અલી શાહે 2-2 રન બનાવ્યા હતા, જ્યારે દિનેશ નાકરાણી 4 રન બનાવીને આઉટ થયા હતા અને ફ્રિઝ એકલમ 9 રન બનાવીને આઉટ થયા હતા.ન્યુઝીલેન્ડની બોલિંગની વાત કરીએ તો ટિમ સાઉથીએ સૌથી વધુ વિકેટ લીધી હતી. સાઉથીએ 4 ઓવરમાં માત્ર 4 રન આપીને 3 મહત્વની વિકેટ લીધી હતી. તેના પ્રદર્શન માટે તેને પ્લેયર ઓફ ધ મેચ પસંદ કરવામાં આવ્યો હતો. આ સિવાય ઓલરાઉન્ડર સ્પિનર રચિન રવિન્દ્રએ 3 ઓવરમાં 9 રન આપીને 2 વિકેટ ઝડપી હતી. ટ્રેન્ટ બોલ્ટ અને મિશેલ સેન્ટનરે 2-2 વિકેટ લીધી હતી. લોકી ફર્ગ્યુસનને એક વિકેટ મળી હતી.41 રનના સ્કોરનો પીછો કરતા ન્યુઝીલેન્ડે 5.2 ઓવરમાં 1 વિકેટ ગુમાવીને આ સ્કોર હાંસલ કર્યો હતો. ફિન એલન 17 બોલમાં 9 રન બનાવીને આઉટ થયો હતો. ડેવોન કોનવેએ 15 બોલમાં અણનમ 22 રન અને રચિન રવિન્દ્રએ 1 બોલમાં 1 રન બનાવ્યો હતો.
Loading ...