અફઘાનિસ્તાનમાં પૂરને કારણે 300 થી વધુ લોકોના મોત

નવી દિલ્હી,તા.૧૧

બગલાનમાં કુદરતી આપત્તિ પ્રતિભાવના વડા, હેદાયતુલ્લાહ હમદર્દે જણાવ્યું હતું કે બુરકા, નહરીન અને મધ્ય બગલાનમાં પૂર આવ્યું છે. તેમણે કહ્યું કે પૂર પીડિતોને શોધવા માટે ઓપરેશન શરૂ કરવામાં આવ્યું છે. અફઘાનિસ્તાનમાં ભયાનક પૂરના સમાચાર છે. આંતરરાષ્ટ્રીય મીડિયાના અહેવાલો અનુસાર, 300 થી વધુ લોકોના મોત થયા છે. સમાચાર એજન્સીના અહેવાલ અનુસાર, સંયુક્ત રાષ્ટ્ર વિશ્વ ખાદ્ય કાર્યક્રમ સાથે જોડાયેલા અધિકારીઓએ જણાવ્યું કે અચાનક આવેલા પૂરમાં 300થી વધુ અફઘાનિસ્તાનોના મોત થયા છે.બગલાનમાં કુદરતી આપત્તિ પ્રતિભાવના વડા હેદાયતુલ્લાહ હમદર્દે જણાવ્યું હતું કે બુરકા, નહરીન અને મધ્ય બગલાનમાં પૂર આવ્યું છે. તેમણે કહ્યું કે પૂર પીડિતોને શોધવા માટે ઓપરેશન શરૂ કરવામાં આવ્યું છે. મૃત્યુઆંક વધી શકે છે. તાલિબાનના સ્વાસ્થ્ય મંત્રાલયના પ્રવક્તાએ કહ્યું કે બચાવ ટીમો પૂર પ્રભાવિત વિસ્તારોમાં પહોંચી ગઈ છે.ઘાયલોને સારવાર માટે સેન્ટ્રલ હોસ્પિટલમાં મોકલવામાં આવ્યા છે. હાલમાં, પૂરને કારણે જાનહાનિનો આંકડો જાહેર કરવામાં આવ્યો નથી. ઈસ્લામિક અમીરાતના પ્રવક્તા ઝબીહુલ્લા મુજાહિદે પૂર પીડિતો માટે સંવેદના વ્યક્ત કરી હતી. તેમણે કહ્યું કે સંરક્ષણ અને ગૃહ મંત્રાલયોને લોકોને બચાવવા માટે તમામ ઉપલબ્ધ સંસાધનોનો ઉપયોગ કરવા નિર્દેશ આપવામાં આવ્યો છે.આ મહિનાની શરૂઆતમાં, ભારે વરસાદને કારણે દેશભરમાં પૂર આવ્યું હતું, જેના પરિણામે 14 લોકોના મોત થયા હતા. ગયા મહિને અફઘાનિસ્તાનના હેલમંડ પ્રાંતમાં ભારે વરસાદને કારણે એક મકાનની છત તૂટી પડતાં નવ લોકોનાં મોત થયાં હતાં