મુંબઈ

એલઆઈસી તેનો સંપૂર્ણ હિસ્સો આઈડીબીઆઈ બેંકમાં વેચશે. કેન્દ્ર સરકારે એલઆઈસીને તેના સમગ્ર હિસ્સાના વેચાણને મંજૂરી આપી દીધી છે. ૯ જુલાઈએ રોકાણ અને જાહેર સંપત્તિ મેનેજમેન્ટ વિભાગ (ડીઆઈપીએએમ) એ કહ્યું કે કેબિનેટ કમિટી ઇકોનોમિક અફેર્સ (સીસીઇએ) એ પણ તેના વતી હિસ્સો વેચવાની મંજૂરી આપી છે. એલઆઈસી હવે તેનો સંપૂર્ણ હિસ્સો આઈડીબીઆઈમાં વેચશે. આ સાથે મેનેજમેન્ટનું ટ્રાન્સફર પણ કરવામાં આવશે. હાલમાં આઈડીબીઆઈ એક ખાનગી ક્ષેત્રની બેંક છે અને તેમાં સરકારનો હિસ્સો ૪૫.૫% છે. જ્યારે એલઆઈસીની શેરહોલ્ડિંગ ૪૯.૨૪ ટકા અને નોન-પ્રમોટરોનો હિસ્સો ૫.૨૯ ટકા છે.

જોકે ડીઆઇપીએએમએ જણાવ્યું હતું કે આઈડીબીઆઈ બેંકમાં કેટલી હિસ્સો વેચવામાં આવશે તે ઘણી બાબતો પર ર્નિભર રહેશે. ડીઆઇપીએએમએ જણાવ્યું હતું કે જ્યારે ટ્રાન્ઝેક્શન પ્રક્રિયા શરૂ થશે, ત્યારે રોકાણકારોના હિતના આધારે ર્નિણય લેવામાં આવશે. વિભાગે એ પણ સ્પષ્ટ કર્યું હતું કે એલઆઈસીની સાથે સાથે સરકાર તેના સમગ્ર હિસ્સાને પણ વેચશે. આ સોદા માટે ટ્રાંઝેક્શન સલાહકારની પણ નિમણૂક કરવામાં આવશે.