પેરિસ:ભારતની ટોચની બોક્સર લોવલિના બોર્ગોહેને બુધવારે અહીં ચાલી રહેલા પેરિસ ઓલિમ્પિક ૨૦૨૪ની મહિલા ૭૫ કિગ્રા વજન વર્ગની રાઉન્ડ ઓફ ૧૬ મેચમાં નોર્વેની સુનિવા હોફસ્ટેડ પર વિજય નોંધાવીને ક્વાર્ટર ફાઇનલમાં પ્રવેશ મેળવી લીધો છે. આ મેચમાં લોવલીનાએ શાનદાર પ્રદર્શન કર્યું હતું અને આ મેચમાં ૫-૦થી જીત મેળવી હતી. પોતાના ઉત્કૃષ્ટ મુક્કા વડે તેણે તમામ ન્યાયાધીશોને તેને સંપૂર્ણ માર્ક્‌સ આપવા દબાણ કર્યું. આ મેચમાં નોર્વેના હાફસ્ટેડને વર્ચસ્વ જમાવવાની તક પણ આપવામાં આવી ન હતી. આ મેચમાં, લોવલિના બોર્ગોહેને પ્રથમ અને બીજા રાઉન્ડમાં ૫ જજ તરફથી પરફેક્ટ ૧૦ માર્કસ મેળવ્યા હતા, ત્રીજા રાઉન્ડમાં લોવલીનાને ત્રણ જજ તરફથી ૯ અને ૨ જજ તરફથી ૧૦ માર્ક્‌સ મળ્યા હતા. મેચના અંતે તેનો સ્કોર ૨૯, ૩૦, ૨૯,૩૦, ૨૯ હતો. તેણે આ મેચ ૫-૦થી જીતી હતી. લોવલિના બોર્ગોહેનને નેધરલેન્ડના સેમ ડુનાર દ્વારા સંપૂર્ણ ૩૦ માર્ક્‌સ આપવામાં આવ્યા હતા અને હંગેરીના જજ વેરોનિકાએ પણ સંપૂર્ણ ૩૦ માર્ક્‌સ આપ્યા હતા. આ સિવાય આજેર્ન્ટિનાના રોબર્ટો ફર્નાન્ડો સેવા અને કઝાકિસ્તાનના યર્મેક સુયેનિશ અને ઈરાનના જજ હાગીગી સાબેત બાબાક બોર્ડબારે ૨૨-૨૯ પોઈન્ટ આપ્યા હતા. હવે ભારતની સ્ટાર બોક્સર પાસે આગામી રાઉન્ડમાં પોતાનું શાનદાર પ્રદર્શન ચાલુ રાખવા અને ઓલિમ્પિકમાં ભારત માટે મેડલ મેળવવાનો વિકલ્પ હશે.