ભોપાલ-
મધ્યપ્રદેશના ભૂતપૂર્વ મુખ્ય પ્રધાન અને કોંગ્રેસના નેતા કમલનાથે તાજેતરમાં રાજકારણમાંથી સન્યાસ લેવાની વાત કરી હતી, જેને તેમની રાજકીય નિવૃત્તિ સાથે સંકળાયેલ હોવાનું માનવામાં આવતું હતું. હવે કમલનાથે સ્પષ્ટ કરી દીધું છે કે તેઓ દિલ્હી જઇ રહ્યા નથી કે આરામ કરી રહ્યા નથી. ગુરુવારે કમલનાથે કહ્યું કે પાર્ટી હાઈકમાન્ડ જે પણ નિર્ણય લેશે તે હું સ્વીકારું છું.
પૂર્વ મુખ્યમંત્રી અને કોંગ્રેસના નેતા કમલનાથે ગુરુવારે કહ્યું હતું કે હું દિલ્હી નહીં જઇશ. હું આરામ કરીશ નહીં મેં કોઈપણ પોસ્ટ માટે ક્યારેય અરજી કરી નહોતી. પક્ષનું નેતૃત્વ જે પણ નિર્ણય લેશે અને તે મને સ્વીકાર્ય હશે, પરંતુ હું માત્ર મધ્યપ્રદેશમાં જ રહીશ. તાજેતરમાં જ કમલનાથે પોતાના ગઢ છિંદવાડામાં સમર્થકોને સંબોધન કરતાં કહ્યું હતું કે હવે તેમને આરામ જોઈએ છે. એવી અટકળો ચાલી રહી હતી કે સત્તા ગુમાવ્યા બાદ પણ પેટા ચૂંટણીમાં કોંગ્રેસની હારને પગલે બેકફૂટ પર રહેલા કમલનાથે રાજકારણમાંથી નિવૃત્તિ લેવી પડી હતી.
સીએમ શિવરાજસિંહ ચૌહાણે કમલનાથના નિવેદન પર પ્રતિક્રિયા આપતા કહ્યું કે અમે કોઈને પણ નિવૃત્ત નહીં કરીશું. તેમણે કહ્યું કે ઘરે બેસવું કે નિવૃત્ત થવું તે તેમની પસંદગી છે. તે તેમના ઘરની વાત છે, તે અંદરની વાત છે. તેણે તેનો જાતે વિચાર કરવો જોઇએ.
Loading ...