કોલંબો,: ઈંગ્લેન્ડ અને શ્રીલંકા વચ્ચે બીજી ટેસ્ટ મેચ લોર્ડ્‌સમાં રમાઈ રહી છે. જાે રૂટે (૧૦૩) આ ટેસ્ટ મેચની બીજી ઇનિંગમાં પણ સદી ફટકારી છે. તેણે આ મેચની પ્રથમ ઇનિંગમાં સદી પણ ફટકારી હતી. આ સાથે રૂટ ઈંગ્લેન્ડ માટે ટેસ્ટ મેચમાં સૌથી વધુ સદી ફટકારનાર બેટ્‌સમેન બની ગયો છે. તેણે એલિસ્ટર કૂકનો રેકોર્ડ તોડ્યો છે. કુકે પોતાની કારકિર્દીમાં ૩૩ સદી ફટકારી હતી. જાે રૂટે બ્રાયન લારા, મહેલા જયવર્દને, સુનીલ ગાવસ્કર અને યુનિસ ખાનની બરાબરી કરી છે. આ મહાન ખેલાડીઓએ ટેસ્ટ ક્રિકેટમાં પણ ૩૪-૩૪ સદી ફટકારી હતી. આ સિવાય તે લોર્ડ્‌સ ક્રિકેટ ગ્રાઉન્ડ પર સૌથી વધુ સદી ફટકારનાર બેટ્‌સમેન બની ગયો છે. લોર્ડ્‌સમાં આ તેની સાતમી સદી હતી. આ સદી સાથે તેણે આંતરરાષ્ટ્રીય ક્રિકેટમાં પોતાની ૫૦ સદી પૂરી કરી લીધી છે. રૂટે વનડે ક્રિકેટમાં ૧૬ સદી ફટકારી છે.