નવી દિલ્હી : ઈન્ડિયન પ્રીમિયર લીગ 2024માં કોલકાતા નાઈટ રાઈડર્સ માટે ધમાલ મચાવનાર ઓલરાઉન્ડર વેંકટેશ અય્યરે તેની મંગેતર શ્રુતિ રઘુનાથન સાથે લગ્ન કર્યા છે. વેંકટેશ અને શ્રુતિએ ગયા વર્ષે નવેમ્બરમાં સગાઈ કરી હતી. બંનેએ રવિવારે સવારે પરિવાર અને મિત્રોની હાજરીમાં લગ્ન કર્યા હતા. તેના લગ્નની સુંદર તસવીરો સોશિયલ મીડિયા પર વાયરલ થઈ રહી છે અને તેને ઘણી બધી શુભેચ્છાઓ મળી રહી છે. 14 મેચમાં તેણે 158.80ની સ્ટ્રાઈક રેટથી 370 રન બનાવ્યા હતા. તેણે ચાર અડધી સદી પણ ફટકારી અને IPL 2024માં તેનો સર્વશ્રેષ્ઠ સ્કોર 70 રન બનાવ્યો. શ્રેયસ અય્યરે IPL 2024 ની ફાઇનલમાં સનરાઇઝર્સ હૈદરાબાદ સામે શાનદાર પ્રદર્શન કર્યું હતું. અય્યરે ફાઈનલ મેચમાં જોરદાર અડધી સદી ફટકારી હતી. તેની જોરદાર રમતના કારણે KKRએ ફાઇનલમાં આસાન વિજય નોંધાવ્યો અને તેનું ત્રીજું IPL ટાઇટલ જીત્યું. IPLમાં પોતાની ટીમ માટે શાનદાર પ્રદર્શન કરનાર અય્યરે પોતાની મંગેતર સાથે લગ્ન કરીને ચાહકોની ખુશીને બમણી કરી દીધી છે અને તેણે ભારતીય ટીમ માટે ઓલરાઉન્ડર તરીકે ડેબ્યૂ કર્યું છે. જોકે, વેંકટેશ વાદળી જર્સીમાં વધુ અસર છોડી શક્યો ન હતો. આ જ કારણ છે કે તે ટીમ ઈન્ડિયામાંથી બહાર થઈ રહ્યો છે. અય્યરને વર્ષ 2021માં ટીમ ઈન્ડિયા માટે ડેબ્યૂ કરવાની તક મળી હતી. તે ટીમ ઈન્ડિયા માટે 2 ODI અને 9 T20 મેચમાં મેદાન પર દેખાયો છે. અય્યર વનડેમાં કંઈ ખાસ કરી શક્યો નથી. જો કે ટી20માં 133 રન બનાવવાની સાથે તેણે બોલિંગમાં પણ પાંચ વિકેટ ઝડપી હતી.