ન્યૂ યોર્ક:ભારતના યુકી ભામ્બરી અને ફ્રાન્સના અલ્બાનો ઓલિવેટ્ટીએ ઓસ્ટિન ક્રાજીસેક અને જીન-જુલિયન રોજરને હરાવીને પ્રથમ સેટ ગુમાવ્યા બાદ શાનદાર વાપસી કરી અને યુએસ ઓપન ટેનિસ ટૂર્નામેન્ટના મેન્સ ડબલ્સના ત્રીજા રાઉન્ડમાં પ્રવેશ કર્યો. ભામ્બરી અને ઓલિવેટ્ટીની જાેડીએ અમેરિકાની ક્રાજીસેક અને નેધરલેન્ડની જીન-જુલિયન રોજરની ૧૫મી ક્રમાંકિત જાેડીને ૪-૬, ૬-૩, ૭-૫થી હરાવી હતી. આ માત્ર બીજી વખત છે, જ્યારે ભામ્બરી કોઈ ગ્રાન્ડ સ્લેમ ટૂર્નામેન્ટના ત્રીજા રાઉન્ડમાં પહોંચી છે. અગાઉ, તેઓ ૨૦૧૪માં ઓસ્ટ્રેલિયન ઓપનમાં પણ આ જ તબક્કામાં પહોંચ્યા હતા. રોહન બોપન્ના અને મેથ્યુ એબ્ડેનની બીજી ક્રમાંકિત જાેડી પણ સ્પેનના રોબર્ટો કાર્બાલેસ બાએના અને આજેર્ન્ટિનાના ફેડરિકો કોરિયાને ૬-૨, ૬-૪થી હરાવીને ત્રીજા રાઉન્ડમાં પહોંચી હતી. અન્ય એક ભારતીય ખેલાડી એન શ્રીરામ બાલાજી અને તેના આજેર્ન્ટિનાના સાથીદાર ગુઇડો એન્ડ્રૂઝી બીજા રાઉન્ડમાં ન્યુઝીલેન્ડના માઈકલ વિનસ અને ગ્રેટ બ્રિટનના નીલ સ્કુપ્સકી સામે હાર્યા બાદ ટુર્નામેન્ટમાંથી બહાર થઈ ગયા હતા. વિનસ અને સ્કુપ્સકીએ સાત બ્રેક પોઈન્ટનો સામનો કર્યો અને તેમાંથી એકને કન્વર્ટ કર્યો. બાલાજી અને આન્દ્રેઓઝી તેમની સર્વિસ બ્રેકની એકમાત્ર તકનો લાભ ઉઠાવવામાં નિષ્ફળ ગયા હતા.