નવી દિલ્હી: ભારત અને દક્ષિણ આફ્રિકાની મહિલા ક્રિકેટ ટીમો વચ્ચે ટી-૨૦ શ્રેણી રમાઈ હતી. આ શ્રેણીની છેલ્લી મેચમાં ભારતીય ટીમે શાનદાર પ્રદર્શન કર્યું હતું અને આફ્રિકાને ખરાબ રીતે હરાવ્યું હતું. આ મેચ સાથે શ્રેણી 1-1થી ડ્રોમાં સમાપ્ત થઈ કારણ કે બીજી મેચ એક પણ બોલ ફેંક્યા વિના રદ કરવામાં આવી હતી. ત્રીજી ટી-૨૦ મેચમાં ભારતે પ્રથમ બેટિંગ કરી અને આફ્રિકાને 84 રનના સ્કોર સુધી મર્યાદિત કર્યું. આ દરમિયાન ભારતીય બોલિંગ યુનિટે શાનદાર પ્રદર્શન કર્યું હતું અને આફ્રિકાની બેટિંગ તેમની સામે ટકી શકી નહોતી, ભારત તરફથી પૂજા વસ્ત્રાકરે 3.1 ઓવરમાં 13 રન આપીને 4 વિકેટ ઝડપી હતી. આ સિવાય રાધા યાદવે 3 ઓવરમાં 6 રન આપીને 3 વિકેટ ઝડપી હતી. અરુંધતિ રેડ્ડી, શ્રેયંકા પાટિલ અને દીપ્તિ શર્માને એક-એક વિકેટ મળી હતી. આફ્રિકાની બેટિંગની વાત કરીએ તો માત્ર 3 બેટ્સમેન ડબલ ફિગરને સ્પર્શી શક્યા હતા અને 3 બેટ્સમેન 0ના સ્કોર પર આઉટ થયા હતા. 10માંથી 3 બેટ્સમેન 10થી ઓછા રનના સ્કોર સાથે પેવેલિયન પરત ફર્યા હતા. આફ્રિકા માટે તાજમીન બ્રિટ્સે સૌથી વધુ 20 રન બનાવ્યા હતા. આ મેચમાં આફ્રિકાના બેટિંગ યુનિટને ધ્વસ્ત કરનાર પૂજા વસ્ત્રાકરને પ્લેયર ઓફ ધ મેચ તરીકે પસંદ કરવામાં આવી હતી. આ જીત સાથે ભારતે શ્રેણીમાં પોતાનું વર્ચસ્વ સ્થાપિત કરી લીધું છે. અગાઉ, તેણે ODI શ્રેણી 3-0થી અને એકમાત્ર ટેસ્ટ મેચ 10 વિકેટથી જીતીને બહુ-ફોર્મેટ શ્રેણી જીતી હતી.ભારતના બેટિંગ પ્રદર્શનની વાત કરીએ તો, 84 રનના લક્ષ્યનો પીછો કરવા ઉતરેલી ભારતીય ટીમે 10.5 ઓવરમાં સ્કોર હાંસલ કરી લીધો હતો. આ સાથે ભારત માટે સ્મૃતિ મંધાનાએ 40 બોલમાં 54 રન અને શેફાલી વર્માએ 25 બોલમાં 27 રનની ઇનિંગ રમી હતી.