ઢાકા:બાંગ્લાદેશમાં રાજકીય સંકટ વચ્ચે, રાષ્ટ્રપતિ મોહમ્મદ શહાબુદ્દીને ગઈકાલે ઢાકાના બંગા ભવનમાં એક બેઠક યોજી હતી. બેઠકમાં સર્વાનુમતે બીએનપી પ્રમુખ બેગમ ખાલિદા ઝિયાને તાત્કાલિક મુક્ત કરવાનો ર્નિણય લેવામાં આવ્યો હતો. બેઠકમાં ત્રણેય સશસ્ત્ર દળોના વડાઓ, વિવિધ રાજકીય પક્ષોના નેતાઓ અને નાગરિક સમાજના પ્રતિનિધિઓએ વચગાળાની સરકારની રચના અંગે ચર્ચા કરી હતી.

રાષ્ટ્રપતિની પ્રેસ ટીમે એક નિવેદનમાં જણાવ્યું હતું કે શહાબુદ્દીનની અધ્યક્ષતામાં મળેલી બેઠકમાં સર્વસંમતિથી બાંગ્લાદેશ નેશનાલિસ્ટ પાર્ટીના અધ્યક્ષ બેગમ ખાલિદા ઝિયાને તાત્કાલિક મુક્ત કરવાનો ર્નિણય લેવામાં આવ્યો હતો. બેઠકમાં અનામત વિરોધી આંદોલનમાં માર્યા ગયેલા લોકોની યાદમાં શોક ઠરાવ પણ રજૂ કરવામાં આવ્યો હતો. તેમજ દિવંગત આત્માઓની શાંતિ અને ક્ષમા માટે પ્રાર્થના કરવામાં આવી હતી. બેઠકમાં વચગાળાની સરકાર બનાવવાનો ર્નિણય લેવામાં આવ્યો હતો. દેશમાં કાયદો અને વ્યવસ્થાની સ્થિતિને નિયંત્રિત કરવા માટે દરેકને ધીરજ અને સહિષ્ણુતાનો ઉપયોગ કરવા માટે પણ વિનંતી કરવામાં આવી હતી. તેમજ લૂંટફાટ અને હિંસક પ્રવૃતિઓને રોકવા માટે કડક પગલાં લેવાનો ર્નિણય લેવામાં આવ્યો હતો અને આંદોલન દરમિયાન પકડાયેલા તમામ લોકોને મુક્ત કરવાની પણ જાહેરાત કરવામાં આવી હતી. મીટીંગમાં એવી પણ સહમતિ સધાઈ હતી કે કોઈ પણ સમાજને કોઈ પણ પ્રકારનું નુકસાન ન થવું જાેઈએ. અગાઉ, હસીના ભારત જવા રવાના થયા પછી, બાંગ્લાદેશના આર્મી ચીફ જનરલ વકાર-ઉઝ-ઝમાને તેમના રાજીનામાના સમાચારને સમર્થન આપ્યું હતું અને કહ્યું હતું કે દેશને ચલાવવા માટે ટૂંક સમયમાં વચગાળાની સરકારની રચના કરવામાં આવશે.

બાંગ્લાદેશમાં રવિવારે પોલીસ અને પ્રદર્શનકારીઓ વચ્ચેની અથડામણમાં ૧૦૦ થી વધુ લોકોએ જીવ ગુમાવ્યો હતો. ૧,૦૦૦ થી વધુ લોકો ઘાયલ થયા છે. અગ્રણી દૈનિક ‘ધ ડેઇલી સ્ટાર’ અનુસાર, સરકાર વિરોધી વિરોધ પ્રદર્શનમાં મૃત્યુઆંક માત્ર ત્રણ અઠવાડિયામાં ૩૦૦ને વટાવી ગયો છે.