પેરિસ:પેરિસ ઓલિમ્પિક ૨૦૨૪માં વિવાદ વચ્ચે અલ્જીરિયાની ઈમાન ખલીફે ગોલ્ડ મેડલ જીત્યો છે. ઈમાને પેરિસ ૨૦૨૪માં ઓલિમ્પિક મહિલા બોક્સિંગ ગોલ્ડ મેડલ ૬૬ કિગ્રા વર્ગમાં ચીનની બોક્સર વર્લ્ડ ચેમ્પિયન યાંગ લિયુને ૫-૦થી હરાવીને જીત્યો હતો. ગોલ્ડ જીત્યા બાદ ઈમાન રડી પડી, ત્યારબાદ તેના સપોર્ટ સ્ટાફે ખલીફને ખભા પર ઉઠાવી હતી. ઈમાન ખલીફાની હાલની ઉંમર ૨૫ વર્ષ છે. ફાઈનલ મેચ બાદ બોલતા મહિલા બોક્સરે કહ્યું, ‘છેલ્લા ૮ વર્ષથી આ મારું સપનું હતું અને હવે હું ઓલિમ્પિક ચેમ્પિયન અને ગોલ્ડ વિજેતા છું. મારી સફળતાએ મને વધુ શાંતિ આપી છે તેના લિંગને લગતા વિવાદ પર, તેણે કહ્યું, ‘અમે ઓલિમ્પિકમાં રમતવીર તરીકે પ્રદર્શન કરવા માટે છીએ અને મને આશા છે કે અમને ભવિષ્યમાં ઓલિમ્પિકમાં આવા વિવાદોનો સામનો કરવો પડશે નહીં ઈમાન ખલીફ માટે પેરિસ ઓલિમ્પિક સુધીની સફર ઘણી મુશ્કેલ હતી. આખા ઓલિમ્પિક દરમિયાન તેને ખૂબ ટ્રોલ કરવામાં આવી કારણ કે તે એક પુરુષ હતો. તેમની સામે ઘણો વિરોધ થયો હતો, તેમની ગેરલાયકાતની માંગણીઓ પણ થઈ હતી. આ તમામ બાબતોનો સામનો કરીને ખલીફે પોતાની મેચો પર ધ્યાન કેન્દ્રિત કર્યું હતું. જાેકે ફાઇનલમાં તેને ઘણો સપોર્ટ મળતો જાેવા મળ્યો હતો. ફાઈનલ મેચ દરમિયાન ઘણા ચાહકો તેના નામના નારા લગાવી રહ્યા હતા. જીત બાદ ખલીફે તમામના સમર્થન બદલ આભાર માન્યો હતો. આ દરમિયાન તે ખૂબ જ ભાવુક દેખાઈ રહી હતી અને ઈમાને તમામ નિર્ણાયકોની સર્વસંમતિથી બોક્સિંગ ફાઈનલ જીતીને ઈતિહાસ રચ્યો છે. કારણ કે તે બોક્સિંગમાં ઓલિમ્પિક ગોલ્ડ મેડલ જીતનારી આફ્રિકા અને આરબ વિશ્વની પ્રથમ મહિલા બની હતી. આખરી રાઉન્ડમાં, ખલીફે ફરી એકવાર અદભૂત મુક્કા માર્યા અને તમામ પાંચ જજાેના સ્કોરકાર્ડ પર દરેક રાઉન્ડ જીત્યા, ખલીફ માટે આ ઓલિમ્પિક જીત માત્ર એક વ્યક્તિગત જીત જ નહીં, પણ પ્રતીકાત્મક પણ હતી. લિંગ પાત્રતાના વિવાદને કારણે તેણીને એક વર્ષ પહેલા વર્લ્ડ ચેમ્પિયનશીપમાંથી ગેરલાયક ઠેરવવામાં આવી હતી. તે એકવાર ઇટાલિયન ખેલાડી સામેની મેચ દરમિયાન વિવાદમાં આવી હતી અને સોશિયલ મીડિયા પર તેની વિરુદ્ધ અપશબ્દોનો ઉપયોગ કરવામાં આવ્યો હતો. ઇટાલિયન ખેલાડી માત્ર એક કે બે મુક્કા માર્યા બાદ મેચમાંથી ખસી ગઈ હતી અને તેના ખસી ગયા બાદ ઈમાન ખલીફને વિજેતા જાહેર કરવામાં આવી હતી.