બાર્બાડોસ: ટી-૨૦ વર્લ્ડકપ 2024માં જ્યારે ભારતે સાઉથ આફ્રિકાને હરાવીને ટ્રોફી જીતી ત્યારે આખો દેશ આનંદથી ઉમટી પડ્યો હતો. દેશભરમાંથી ફટાકડા ફોડવા અને ઉજવણીના ચિત્રો સામે આવવા લાગ્યા. ટીમની આ સિદ્ધિના રંગોમાં સૌ કોઈ ડૂબી ગયા હતા. ભારતીય ક્રિકેટ ટીમના ચાહકોનો ઉત્સાહ ચારે બાજુ જોવા મળી રહ્યો છે. તે જ સમયે, જીત બાદ ભારતીય ક્રિકેટ ટીમે મોડી રાત સુધી મેદાન પર જશ્ન મનાવ્યો હતો. પરંતુ વિરાટ કોહલી અને રોહિત શર્માનું સેલિબ્રેશન ઘણી રીતે અલગ હતું. વિરાટ કોહલીએ ટી-20 ક્રિકેટને અલવિદા કહીને લોકોને ભાવુક કરી દીધા હતા. બીજી તરફ ભારતીય ટીમના કેપ્ટન રોહિત શર્માએ બધાને પોતાની તરફ આકર્ષિત કર્યા હતા. છેલ્લી બે વખત તે ફાઈનલ મેચમાં ચેમ્પિયન બનવાનું ચૂકી ગયો હતો. ટી20 ક્રિકેટની પોતાની છેલ્લી મેચ રમી રહેલો કેપ્ટન રોહિત શર્મા આ મેચમાં વહેલો આઉટ થયો હતો. આ પહેલા તેણે સુપર-8 અને સેમીફાઈનલમાં ટીમને એકલા હાથે જીત અપાવી હતી. રોહિત શર્માએ આખરે પોતાની છેલ્લી ટી-૨૦ મેચમાં સુકાની તરીકે ટાઈટલ જીતવાનું સપનું પૂરું કર્યું, તે ખુદ પણ જાણતો ન હતો કે રોહિત શર્મા જીતની ખુશીમાં કેટલો ભાવુક થઈ ગયો હતો. મેચના છેલ્લા બોલ પર ભારતની જીત થતાં જ તે જમીન પર સુઈ ગયો હતો. સાથી ખેલાડીઓ તેની પાસે પહોંચ્યા અને તેને ગળે લગાવ્યા. રોહિત શર્માની આંખોમાં ખુશીના આંસુ હતા અને તેની ખુશી સ્પષ્ટ દેખાતી હતી. તેની આંખો ભીની હતી. આઇસીસીએ તેના X એકાઉન્ટમાંથી એક વીડિયો જાહેર કર્યો છે. આ વીડિયોમાં ભારતીય કેપ્ટન રોહિત શર્મા પીચની માટી ચાખતો જોવા મળી રહ્યો છે. રોહિત શર્માના દેખાવ પરથી સ્પષ્ટ છે કે તે ખૂબ જ ખુશ છે અને આ યાદગાર ક્ષણને ક્યારેય ભૂલવા માંગતો નથી. આ જીત ઐતિહાસિક છે. આ પહેલા સચિન તેંડુલકરે પણ તેની છેલ્લી મેચમાં પીચ સામે ઝુકાવ્યું હતું.