નવીદિલ્હી:વર્તમાન ઈન્ટરનેશનલ ક્રિકેટ કાઉન્સિલના અધ્યક્ષ, ન્યુઝીલેન્ડના વકીલ ગ્રેગ બાર્કલે મંગળવારે ૩૦ નવેમ્બરના રોજ તેમનો કાર્યકાળ પૂરો થયા બાદ ત્રીજી મુદતની રેસમાંથી પોતાની જાતને પાછી ખેંચી લીધી હતી, જેના કારણે બોર્ડ ઓફ કંટ્રોલ ફોર ક્રિકેટ ઇન ઈન્ડિયાના સેક્રેટરી જય શાહને રમતના વૈશ્વિક સંચાલક મંડળમાં જાેડાવા માટે પ્રોત્સાહિત કર્યા હતા.

શાહના ભવિષ્યને લઈને અટકળોએ જાેર પકડ્યું છે. શાહ આ પદ માટે પોતાનો દાવો રજૂ કરશે કે નહીં તે ૨૭ ઓગસ્ટ સુધીમાં સ્પષ્ટ થઈ જશે, જે અધ્યક્ષ પદ માટે નામાંકન ભરવાની છેલ્લી તારીખ છે.આઇસીસી ચેરમેન દરેક બે વર્ષની ત્રણ મુદત માટે પાત્ર છે અને ન્યૂઝીલેન્ડના વકીલ બાર્કલેએ અત્યાર સુધીમાં ચાર વર્ષ પૂર્ણ કર્યા છે.આઇસીસીના નિયમો અનુસાર, અધ્યક્ષની ચૂંટણીમાં ૧૬ મત હોય છે અને હવે વિજેતા માટે નવ મતોની બહુમતી (૫૧%) જરૂરી છે. અગાઉ, અધ્યક્ષ બનવા માટે, પદધારક પાસે બે તૃતીયાંશ બહુમતી હોવી જરૂરી હતી. શાહને આઇસીસી બોર્ડના સૌથી પ્રભાવશાળી ચહેરાઓમાંના એક ગણવામાં આવે છે. તેઓ હાલમાં આઇસીસીની શક્તિશાળી ફાઇનાન્સ અને કોમર્શિયલ અફેર્સ સબ-કમિટીના વડા છે.

આઇસીસીના અધ્યક્ષ ગ્રેગ બાર્કલેએ બોર્ડને પુષ્ટિ આપી છે કે, તેઓ ત્રીજી મુદત માટે ઊભા રહેશે નહીં . ત્યારે તેઓ પદ છોડશે. બાર્કલેને નવેમ્બર ૨૦૨૦માં આઇસીસીના સ્વતંત્ર અધ્યક્ષ તરીકે નિયુક્ત કરાયા હતા. તેઓ ૨૦૨૨ માં આ પદ માટે ફરીથી ચૂંટાયા હતા. હાલના ડિરેક્ટરોએ હવે આગામી ચેરમેન માટે ૨૭ ઓગસ્ટ, ૨૦૨૪ સુધીમાં નોમિનેશન સબમિટ કરવાના રહેશે. જાે એક કરતાં વધુ ઉમેદવારો હશે તો ચૂંટણી યોજાશે અને નવા ચેરમેનની મુદત ૧ ડિસેમ્બર, ૨૦૨૪થી શરૂ થશે.શાહના મોટાભાગના ૧૬ વોટિંગ સભ્યો સાથે ખૂબ સારા સંબંધો છે. હાલમાં, શાહ પાસે બીસીસીઆઇ સેક્રેટરી તરીકેના તેમના કાર્યકાળમાં એક વર્ષ બાકી છે, ત્યારબાદ તેમણે ઓક્ટોબર ૨૦૨૫ થી ત્રણ વર્ષનો ફરજિયાત બ્રેક (કૂલિંગ ઑફ પીરિયડ) લેવો પડશે. જાે શાહ તેમના સેક્રેટરી પદમાં એક વર્ષ બાકી રાખીને આઇસીસીમાં જવાનું નક્કી કરે છે, તો તેમની પાસે બીસીસીઆઇમાં ચાર વર્ષ બાકી રહેશે. તે ૩૫ વર્ષની ઉંમરે આઇસીસીના ઇતિહાસમાં સૌથી યુવા અધ્યક્ષ બની શકે છે.