બાડમેર-

પોલીસે મોટી કાર્યવાહી હાથ ધરીને 2 CRPFના બનાવટી આઈડી કાર્ડનો ઉપયોગ કરનારા બે શંકાસ્પદ યુવાનોની ધરપકડ કરી છે. સૈન્યની બાતમી બાદ પોલીસે નાકાબંધી બાદ યુવકની ધરપકડ કરી હતી. બંને યુવકો ગુજરાતના છે અને પોલીસે CRPFની બનાવટી આઈડી કાર્ડ અને એક વાહન પણ કબજે કર્યું છે. પોલીસ દ્વારા આરોપીની પૂછપરછ કરવામાં આવી રહી છે. બાડમેર સદર પોલીસે જણાવ્યું હતું કે, મંગળવારે નાકાબંધી દરમિયાન ગુજરાતના બનાસકાંઠા જિલ્લાના બે શંકાસ્પદ યુવાનોની ધરપકડ કરવામાં આવી છે. બાડમેર અમદાવાદ રાષ્ટ્રીય ધોરીમાર્ગના ટોલ બ્લોક પર સીઆરપીએફના બનાવટી આઈડી કાર્ડ દ્વારા ગુંડાગીરી બતાવી ટોલ ટેક્સ ન ભરવાનો પ્રયાસ કરી રહ્યા હતા. આ દરમિયાન સેનાની ગુપ્તચર એજન્સીની ટીમે બંનેની ગતિવિધિઓ અંગે શંકા વ્યક્ત કરી હતી, ત્યારબાદ તેઓએ બાડમેર પોલીસને જાણ કરી હતી, ત્યારબાદ પોલીસે નાકાબંધી દ્વારા બંને યુવકોને ધરપકડ કરી હતી.

પોલીસ આરોપીની પૂછપરછ કરી રહી છે અને CRPFના બનાવટી કાર્ડનો કયા સ્તરે દુરૂપયોગ થયો તે અંગેની માહિતી એકઠી કરી રહી છે. સદર પોલીસ સ્ટેશનના કાર્યકારી પોલીસ અધિકારી ઝાકિર અલીએ જણાવ્યું હતું કે, કંટ્રોલ રૂમ દ્વારા માહિતી મળી હતી. પોલીસે કાર પણ ઝડપી લીધી છે. અત્યાર સુધીની તપાસમાં બહાર આવ્યું છે કે, આરોપીઓ આ કાર્ડનો ઉપયોગ તેને ટોલ ટેક્સ ન ભરવા માટે કરતા હતા.ગુપ્તચર એજન્સી અને પોલીસ સતર્કતમને જણાવી દઈએ કે, બનાવટી આઈડી કાર્ડનો મામલો થોડા દિવસો પહેલા બાડમેરમાં સામે આવ્યો હતો. જેમાં સેનાની ગુપ્તચર એજન્સીની બાતમીના આધારે પોલીસે કોન્સ્ટેબલના ભાઈની ધરપકડ કરી હતી. આવી સ્થિતિમાં, સરહદી જિલ્લામાં ક્યાંક આવા બનાવટી આઈડી કાર્ડની પ્રવૃત્તિઓ શંકાસ્પદ છે. જોકે ગુપ્તચર એજન્સી અને પોલીસ સંપૂર્ણ સજાગ છે. CRPFનું બનાવટી આઈડી કાર્ડનો ઉપયોગ કરી ટોલ ટેક્સ ન ભરવા અને દાદાગીરી કરતા 2 યુવકોની રાજસ્થાનના બાડમેરથી પોલીસે ધરપકડ કરી છે. બંન્ને શખ્સ ગુજરાતના બનાસકાંઠાના રહેવાસી છે. મામલો સૈન્યની ગુપ્તચર સાથે સંકળાયેલો હોવાથી પોલિસે નાકાબંધી કરી બંનેની ધરપકડ કરી છે.