ભારતમાં પાકિસ્તાનના ફેવરિટ એક્ટર ફવાદ ખાનના ફેન્સ માટે એક ખૂબ જ રોમાંચક સમાચાર છે. તેની નવી સીરિઝ ‘બરઝાખ’ ટૂંક સમયમાં ભારત સહિત સમગ્ર વિશ્વમાં સ્ક્રીન પર આવવા જઈ રહી છે. ભલે તે થોડા સમય માટે હોય, ફવાદે બોલિવૂડની કેટલીક ફિલ્મોમાં ખૂબ કમાણી કરી હતી. ભારતીય ચાહકોને ઘણા વર્ષાે પછી અભિનેતાને પડદા પર જાેવાની તક મળી રહી છે. ફવાદ ખાને ફિલ્મ ‘ખૂબસુરત’થી બોલિવૂડમાં એન્ટ્રી કરી હતી. ૨૦૧૪માં રિલીઝ થયેલી આ ફિલ્મમાં સોનમ કપૂર પણ તેની સાથે હતી. ફવાદના ચાર્મના દરેક લોકો દિવાના બની ગયા હતા. તેમને ફિલ્મફેર બેસ્ટ ડેબ્યુ એવોર્ડ પણ એનાયત કરવામાં આવ્યો હતો. આ પછી અભિનેતા કરણ જાેહરની ‘કપૂર એન્ડ સન્સ’, ‘એ દિલ હૈ મુશ્કિલ’માં જાેવા મળ્યો હતો. અભિનેતાએ બીજી ઘણી ફિલ્મો પણ સાઈન કરી હતી, પરંતુ પાકિસ્તાની કલાકારો પર ભારતમાં કામ કરવા પર પ્રતિબંધ હતો અને તેને પાકિસ્તાન પરત ફરવું પડ્યું હતું. પરંતુ પ્રતિબંધના ૮ વર્ષ બાદ પણ ફવાદની ફેન ફોલોઈંગમાં કોઈ ઘટાડો થયો નથી.આજે પણ લોકો તેની ફિલ્મો જાેવા માટે રાહ જુએ છે. ઢઈઈ૫ પર આવી રહેલી ફવાદની બર્ઝાખ શ્રેણી વિશે વાત કરીએ તો, તે ૧૯ જુલાઈથી સ્ટ્રીમ કરવામાં આવશે. આ સીરીઝમાં તેની સાથે પાકિસ્તાનની જાણીતી અભિનેત્રી સનમ સઈદ પણ લીડ રોલમાં છે. બરઝાખ એકલવાયા ૭૬ વર્ષના માણસનું જીવન દર્શાવે છે. તે તેના અજાણ્યા બાળકો અને પૌત્રોને ર્નિજન રિસોર્ટમાં ખૂબ જ અસામાન્ય ઉજવણી માટે આમંત્રિત કરે છે. આ તેમના પ્રથમ પ્રેમ સાથે લગ્ન કરવાનો પ્રસંગ છે, જે ભૂત છે. આ ભાવનાત્મક વાર્તા પ્રેક્ષકોને જીવનની કોયડાઓ વિશે વિચારવા મજબૂર કરે છે કે મૃત્યુ પછી શું થાય છે. તે પ્રેમના અતૂટ બંધન તરફ પણ ધ્યાન દોરે છે જે આપણને એક સાથે બાંધે છે. આ શ્રેણીમાં દર્શકોને પાકિસ્તાનની હુન્ઝા ખીણના સુંદર નજારાનો પરિચય કરાવવામાં આવ્યો છે અને અહીંની સુંદરતા દર્શાવતી જીવનની કહાની સ્ક્રીન પર દર્શાવવામાં આવી છે.
Loading ...