નવી દિલ્હી: સ્વિટ્ઝર્લેન્ડને હરાવીને ઇંગ્લેન્ડ યુરો કપની સેમિફાઇનલમાં પહોંચી ગયું છે. ઈંગ્લેન્ડ તેની છેલ્લી ચાર ટૂર્નામેન્ટમાં ત્રીજી વખત ટોપ-4માં પહોંચ્યું છે. સ્વિત્ઝર્લેન્ડનું પ્રથમ વખત કોઈ મોટી ટુર્નામેન્ટના ટોપ ચારમાં પહોંચવાનું સપનું પેનલ્ટી શૂટ આઉટમાં સમાપ્ત થઈ ગયું. અને 2004 પછી નેધરલેન્ડ સેમી ફાઇનલમાં પહોંચ્યું.
જર્મનીના ડસેલડોર્ફમાં ઇંગ્લેન્ડ અને સ્વિટ્ઝર્લેન્ડ વચ્ચે રમાયેલી ત્રીજી ક્વાર્ટર ફાઇનલ નિર્ધારિત સમયે 1-1થી ડ્રોમાં સમાપ્ત થઈ હતી. જે બાદ પેનલ્ટી શૂટઆઉટમાં વિજેતાનો નિર્ણય લેવામાં આવ્યો હતો. ઇંગ્લેન્ડે પેનલ્ટી શૂટઆઉટમાં સ્વિટ્ઝર્લેન્ડને 5-3થી હરાવ્યું.
પ્રથમ હાફ સુધી કોઈપણ ટીમ દ્વારા ગોલ કરવામાં આવ્યો ન હતો. છેલ્લી 15 મિનિટમાં બંને ટીમોએ 1-1 ગોલ કર્યો હતો. સ્વિટ્ઝર્લેન્ડના બ્રિએલ એમ્બોલોએ 75મી મિનિટે ગોલ કરીને ટીમને 1-0ની સરસાઈ અપાવી હતી. એવું લાગતું હતું કે સ્વિટ્ઝર્લેન્ડ પ્રથમ વખત ટૂર્નામેન્ટની સેમી ફાઇનલમાં પહોંચવાની તૈયારીમાં છે. પરંતુ સ્વિટ્ઝર્લેન્ડની સેમિફાઇનલમાં પહોંચવાની આશા માત્ર 5 મિનિટમાં જ ઇંગ્લેન્ડના બુકાયો સાકાએ ધૂળ નાખી હતી. તેણે એક ગોલ કરીને ટીમને 1-1ની બરાબરી પર લાવી દીધી હતી.
વધારાના સમયમાં પણ કોઈ ટીમ ગોલ કરી શકી ન હતી. જે બાદ મેચનો નિર્ણય પેનલ્ટી શૂટઆઉટમાં થયો હતો. જે ઈંગ્લેન્ડે 5-3થી જીતી હતી. ઈંગ્લેન્ડ માટે કોલ પામર, જુડ બેલિંગહામ, સાકા, ઈવાન ટોની અને અવેજી તરીકે આવેલા ટ્રેન્ટ એલેક્ઝાન્ડરે ગોલ કર્યા હતા.યુરો કપની છેલ્લી ક્વાર્ટર ફાઈનલ મેચમાં નેધરલેન્ડે તુર્કીને 2-1થી હરાવીને સેમીફાઈનલમાં પોતાનું સ્થાન નિશ્ચિત કરી લીધું હતું. નેધરલેન્ડે 7 મિનિટની અંદર 2 ગોલ કરીને મેચને પોતાની તરફેણમાં ફેરવી દીધી હતી. મેચનો પહેલો ગોલ તુર્કી માટે સ્મેટ અકાયદીને કર્યો હતો, પરંતુ નેધરલેન્ડના સ્ટેફન ડી વ્રિસે ગોલ કરીને મેચને બરાબરી કરી હતી. મેચની 76મી મિનિટે તુર્કીના મેર્ટ મુલદુરે સ્વયં ગોલ કરીને નેધરલેન્ડને 2-1ની લીડ અપાવી હતી. નેધરલેન્ડે 20 વર્ષ બાદ યુરો કપ સેમિફાઇનલમાં પોતાનું સ્થાન નિશ્ચિત કર્યું છે. હવે સેમિફાઇનલમાં તેનો મુકાબલો ઇંગ્લેન્ડ સામે થશે. આ પહેલા નેધરલેન્ડ 2004માં યુરો કપની સેમીફાઈનલમાં પહોંચી હતી.
Loading ...