નવી દિલ્હી:ઈંગ્લેન્ડ અને શ્રીલંકા વચ્ચે ત્રણ મેચની ટેસ્ટ શ્રેણી રમાઈ રહી છે. શ્રેણીની પ્રથમ મેચમાં ચોથા દિવસે ઇંગ્લેન્ડે શ્રીલંકાને પાંચ વિકેટે હરાવ્યું હતું. આ મેચમાં ઈંગ્લેન્ડ માટે સદી ફટકારનાર જેમી સ્મિતને તેના શાનદાર પ્રદર્શન માટે પ્લેયર ઓફ ધ મેચ પસંદ કરાયો હતો. ૨૦૫ રનના ટાર્ગેટનો પીછો કરી રહેલી ઈંગ્લેન્ડની ખરાબ શરૂઆત બાદ રૂટે જવાબદારી સંભાળી અને ૧૦૮ બોલમાં અડધી સદી પૂરી કરી. જાે રૂટ અને જેમી સ્મિથ વચ્ચેની ૬૪ રનની ભાગીદારીને કારણે ઈંગ્લેન્ડે ઓલ્ડ ટ્રેફોર્ડ ખાતેની મેચ જીતવામાં સફળ રહી હતી. પ્રથમ દાવમાં સદી ફટકારનાર સ્મિથે રુટ સાથે ટીમને જીતના ઉંબરે પહોંચાડી દીધી. આ પહેલા મેચમાં પ્રથમ બેટિંગ કરવા આવેલી શ્રીલંકાની ટીમ ૨૩૬ રનમાં આઉટ થઈ ગઈ હતી. ઇંગ્લેન્ડ બેટિંગ કરવા આવ્યું અને જેમી સ્મિથની સદીની મદદથી ૩૫૮ રન બનાવ્યા, જેના કારણે યજમાન ટીમને તેની બીજી ઇનિંગ્સમાં ૩૨૬ રનની લીડ મળી હતી.