જયપુર:રાજસ્થાન ડીઆરઆઈની ટીમે ફરી એકવાર ડ્રગ ડીલર્સ સામે મોટી કાર્યવાહી કરી છે. ડીઆરઆઈની ટીમે જયપુરમાંથી ૨૦ હજાર પ્રતિબંધિત ગોળીઓ જપ્ત કરી છે. આંતરરાષ્ટ્રીય બજારમાં આ દવાઓની કિંમત ૩૦ લાખ રૂપિયાની આસપાસ હોવાનું કહેવાય છે. પ્રતિબંધિત દવાઓ વિદેશમાં પણ સપ્લાય કરવામાં આવી હતી. પ્રતિબંધિત ડ્રગ્સના મામલામાં ડીઆરઆઈએ લગભગ ૨૫ દિવસ પહેલા બે આરોપીઓની ધરપકડ કરી હતી, જેમની માહિતી પર શુક્રવારે ડ્રગ્સનું મોટું કન્સાઈનમેન્ટ મળી આવ્યું હતું.

ડીઆરઆઈ અધિકારીઓના જણાવ્યા અનુસાર, લગભગ ૨૫ દિવસ પહેલા ડીઆરઆઈની ટીમે જયપુરના ટોંક ફાટક વિસ્તારમાં એક ઘરમાં ડ્રગ્સ વિરુદ્ધ મોટી કાર્યવાહી હાથ ધરી હતી. અહીંથી ૧૦,૦૦૦ જેટલી નશાની ગોળીઓ મળી આવી હતી. ડીઆરઆઈએ પ્રતિબંધિત દવાઓના વેપારના કેસમાં જયપુરના રહેવાસી પ્રભુરામ અને નાગૌરના રહેવાસી અરબાઝની ધરપકડ કરી હતી. આરોપીની પૂછપરછ દરમિયાન અનેક ચોંકાવનારા ખુલાસા સામે આવ્યા છે. પ્રતિબંધિત દવાઓ મીઠાના પેકેટમાં પેક કરીને યુરોપિયન દેશોમાં સપ્લાય કરવામાં આવી રહી હતી. પકડાયેલા બંને આરોપીઓ પાસેથી ઈનપુટ મળ્યા હતા કે ડ્રગ્સનો મોટો જથ્થો જયપુર પહોંચવાનો છે, જેના પછી ડીઆરઆઇની ટીમે લગભગ ૨૦,૦૦૦ પ્રતિબંધિત ગોળીઓ પકડી હતી. પ્રતિબંધિત દવાઓ ઝારખંડથી કુરિયર દ્વારા જયપુર લાવવામાં આવી હતી.

ડીઆરઆઈની ટીમને ઈનપુટ મળ્યો હતો કે નકલી દવાઓનું મોટું કન્સાઈનમેન્ટ શુક્રવારે જયપુર પહોંચવાનું છે. શુક્રવારે ઝારખંડથી ૨૦,૦૦૦ પ્રતિબંધિત દવાઓ જયપુર પહોંચી હતી, જેના પર ડીઆરઆઈની ટીમ પહેલેથી જ નજર રાખી રહી હતી. કુરિયર શુક્રવારે જયપુર પહોંચતા જ ડ્ઢઇૈંની ટીમે તેને પકડી લીધું, જેમાં લગભગ ૨૦,૦૦૦ ગોળીઓ મળી આવી. આંતરરાષ્ટ્રીય બજારમાં તેમની કિંમત ૩૦ લાખ રૂપિયા હોવાનું કહેવાય છે. આરોપીઓ આ દવાઓ ઘારીના પેકેટમાં પેક કરીને વિદેશમાં સપ્લાય કરતા હતા. હાલ ડીઆરઆઈની ટીમ આ મામલાની સઘન તપાસ કરી રહી છે.