દિવ્યા અગ્રવાલે હાલમાં જ સોશિયલ મીડિયા પરથી તેના લગ્નની તસવીરો ડિલીટ કરી દીધી હતી, જેના પછી અટકળો શરૂ થઈ હતી કે અભિનેત્રી છૂટાછેડા લેવા જઈ રહી છે કે બંને વચ્ચે કોઈ વિવાદ છે. જ્યારે દિવ્યાએ સોશિયલ મીડિયા પરથી લગ્નની તસવીરો હટાવી ત્યારે ચાહકોને ખૂબ જ આશ્ચર્ય થયું કારણ કે બંનેના લગ્ન માત્ર ૩ મહિના પહેલા જ થયા હતા. હવે અભિનેત્રીએ આ મામલે પોતાની પ્રતિક્રિયા આપી છે.

દિવ્યા અગ્રવાલે ઇન્સ્ટાગ્રામ એકાઉન્ટ પરથી તેના લગ્નની તસવીરો હટાવ્યા બાદ પતિ અપૂર્વ સાથેના છૂટાછેડાની અફવાઓ પર પ્રતિક્રિયા આપતા ઇન્સ્ટાગ્રામ સ્ટોરી પર એક લાંબી પોસ્ટ શેર કરી હતી, જેમાં તેણે સ્પષ્ટતા કરી હતી કે તેણી અને તેના પતિ વચ્ચે બધુ બરાબર છે. દિવ્યા એ પણ કહે છે કે તેણે તેના ઇન્સ્ટા એકાઉન્ટમાંથી અન્ય પોસ્ટ્‌સ હટાવી દીધી છે, પરંતુ લોકોએ માત્ર લગ્નના ફોટા ડિલીટ કરવા પર જ પ્રતિક્રિયા આપવાનું પસંદ કર્યું.

દિવ્યા અગ્રવાલે છૂટાછેડા અંગે અટકળો કરવા બદલ લોકોને ઠપકો આપ્યો હતો. ઈન્સ્ટાગ્રામ સ્ટોરી શેર કરતી વખતે તેણે લખ્યું કે, "મેં કોઈ અવાજ નથી કર્યો, કોઈ સ્ટોરી કે કોમેન્ટ નથી કરી. મેં લગભગ ૨૫૦૦ પોસ્ટ ડિલીટ કરી છે, પરંતુ આ પછી પણ મીડિયાએ મારા લગ્નની તસવીરો જાેવા અને તેના પર પ્રતિક્રિયા આપવાનું વધુ સારું માન્યું.આ ઘણું હાસ્યાસ્પદ છે."

અભિનેત્રીએ આગળ લખ્યું, 'મેં હંમેશા એ જ કર્યું છે જેની લોકોને મારી પાસેથી અપેક્ષા નહોતી અને હવે લોકો મારી પાસેથી જે અપેક્ષા રાખી રહ્યા છે તે છે બાળકો અને છૂટાછેડા. પણ અત્યારે આમાંથી કંઈ થઈ રહ્યું નથી. હવે વાસ્તવિકતામાં આવી રહી છું, હું ઈચ્છું છું કે મારી પ્રથમ પિન પોસ્ટ એવી હોય કે જેના પર હું ઈચ્છું છું કે લોકો વાત કરે. ભગવાનની કૃપાથી, મારા પતિ મારી બાજુમાં નસકોરા મારી રહ્યા છે.' જણાવી દઈએ કે અપૂર્વાને ડેટ કરતા પહેલા દિવ્યા વરુણ સૂદ સાથે રિલેશનશિપમાં હતી. વરુણ સાથેના બ્રેકઅપ બાદ તે અપૂર્વ સાથેના સંબંધોને કારણે ચર્ચામાં આવી હતી. આ દંપતીએ ૨૦ ફેબ્રુઆરીના રોજ લગ્ન કર્યા હતા અને હવે માત્ર ત્રણ મહિના પછી, તેમના છૂટાછેડા વિશે ચર્ચાઓ શરૂ થઈ ગઈ છે. દિવ્યાના પતિ અપૂર્વ પાડગાંવકર એક બિઝનેસમેન છે.