નવી દિલ્હી:  અનંત અંબાણી અને રાધિકા મર્ચન્ટ બહુ જલ્દી લગ્ન કરવા જઈ રહ્યા છે. લગ્ન પહેલા, 5મી જુલાઈના રોજ રાત્રે જિયો સેન્ટર ખાતે સંગીત સમારોહ ઉજવવામાં આવ્યો હતો. અહીં ફરી એકવાર ભારતીય સ્ટાર ક્રિકેટરોએ અંબાણી પરિવારના કાર્યક્રમમાં ભાગ લીધો છે. તેમાં ભારતીય ક્રિકેટર એમએસ ધોની ટી-૨૦ વર્લ્ડ કપ ચેમ્પિયન હાર્દિક પંડ્યા, સૂર્યકુમાર યાદ અને ઈશાન કિશન જોવા મળ્યા હતા. આ ખાસ કાર્યક્રમમાં હાર્દિક પંડ્યા તેના ભાઈ કૃણાલ પંડ્યા અને ભાભી સાથે સંગીત સેરેમનીમાં પહોંચ્યો હતો. આ ઉપરાંત પંડ્યા સાથે ઈશાન કિશન પણ હાજર હતો. તે જ સમયે, એમએસ ધોનીએ તેની પત્ની સાક્ષી સાથે કાર્યક્રમમાં હાજરી આપીને સભામાં આકર્ષણ ઉમેર્યું. એમએસ ધોની પ્રિન્ટેડ નેહરુ જેકેટમાં ખૂબ જ શાનદાર લાગતો હતો. આ સિવાય સૂર્યકુમાર યાદવ પણ પત્ની દેવીશા સાથે સંગીત સેરેમનીમાં પહોંચ્યા હતા. સૂર્યાએ પેબ્સ સાથે ફોટો પણ ક્લિક કરાવ્યો હતો. આ સાથે પૂર્વ ભારતીય ફાસ્ટ બોલર ઝહીર ખાન તેની પત્ની સાગરિકા ઘોષ સાથે પાર્ટીમાં પહોંચ્યો હતો. લખનૌ સુપરજાયન્ટ્સના કેપ્ટન કેએલ રાહુલે તેની પત્ની આથિયા શેટ્ટી સાથે સમારોહમાં રંગ જમાવ્યો. આ બધામાં હાર્દિક પંડ્યાએ સૌથી વધુ ધ્યાન ખેંચ્યું હતું. હાર્દિક પંડ્યા અંબાણી પરિવારના સંગીત સમારોહમાં તેની પત્ની નતાશા સાથે નહીં પરંતુ તેની ભાભી અને ભાઈ સાથે પહોંચ્યો હતો. તેના દેખાવે તેની અને તેની પત્ની નતાશા વચ્ચે છૂટાછેડાની અફવાઓને વધુ વેગ આપ્યો. આ પહેલા આઇપીએલ બાદ બંને વચ્ચે છૂટાછેડાના ઘણા સમાચાર વાયરલ થયા હતા.