નવી દિલ્હી:કોંગ્રેસના સાંસદ અને વિપક્ષના નેતા રાહુલ ગાંધીનો એક્શન પ્લાન બજેટ સત્રમાં સરકારને ઘેરવા માટે તૈયાર છે. રાહુલ ગાંધીનું ફોકસ યુવાનો, ખેડૂતો-મજૂરો, સૈનિકોની સાથે સામાન્ય લોકો અને ગરીબો પર રહેશે. ૨૨ જુલાઈથી શરૂ થઈ રહેલા બજેટ સત્ર પહેલા વિપક્ષના નેતા રાહુલ ગાંધીએ સરકારને ઘેરવા માટે ખાસ એક્શન પ્લાન તૈયાર કર્યો છે. આ અંતર્ગત સામાન્ય ગરીબ લોકો, વધતી જતી મોંઘવારી અને ઘટતી કમાણી, યુવા બેરોજગારી અને દ્ગઈઈ્‌ પેપર લીક, ખેડૂત-એમએસપી ગેરંટી, ટેકાના ભાવ અને સ્વામિનાથન સમિતિની ભલામણોના આધારે લોન માફી જેવા મુદ્દા ઉઠાવવાની તૈયારી કરવામાં આવી રહી છે.વિપક્ષ આ મુદ્દે પ્રાઈવેટ મેમ્બર બિલ લાવીને સરકારને અલગ કરવાનો પ્રયાસ કરશે. કોંગ્રેસ લોકસભામાં સત્ર દરમિયાન કામદારોનું લઘુત્તમ વેતન વધારીને ૪૦૦ રૂપિયા કરવાની માંગ કરશે. સાથે જ કોંગ્રેસ સૈનિકો માટેની અગ્નિવીર યોજના બંધ કરવાની પણ ગૃહમાં માંગ કરશે. આ સિવાય કોંગ્રેસ જમ્મુ-કાશ્મીરમાં તાજેતરમાં થયેલા આતંકવાદી હુમલાઓને ટાંકીને સેનાના જવાનોની શહાદતનો મુદ્દો પણ ઉઠાવશે અને સરકારની નીતિઓને નિષ્ફળ ગણાવશે. આ સાથે જમ્મુ-કાશ્મીરને પૂર્ણ રાજ્યનો દરજ્જાે આપવા અને ચૂંટણી કરાવવાને બદલે એલજીની સત્તા વધારવામાં આવે તો પણ સરકારને ઘેરવાની તૈયારીઓ ચાલી રહી છે. મણિપુર, ત્રિપુરામાં હિંસા અને ચીનના અતિક્રમણનો મુદ્દો ઉઠાવીને સરકારને રાષ્ટ્રવાદના મુદ્દે બેકફૂટ પર મૂકવાનો પ્રયાસ થઈ રહ્યો છે. લોકસભા ચૂંટણી બાદ રાહુલ ગાંધીએ મણિપુરના હિંસાગ્રસ્ત વિસ્તારોની મુલાકાત લીધી હતી.