તાઈવાનમાં નવી સરકારની રચનાથી સ્તબ્ધ ચીને તાઈપેઈમાં સૌથી મોટી સૈન્ય કવાયત હાથ ધરી

બેઇજિંગ :ચીને એક વર્ષમાં તાઈવાનની આસપાસ ઘણી સૈન્ય કવાયતો હાથ ધરી હતી. તાઈવાનના નવા રાષ્ટ્રપતિના શપથ લીધાના થોડા દિવસો બાદ જ ચીને તાઈવાનની આસપાસ એક વર્ષમાં તેની સૌથી વ્યાપક લશ્કરી કવાયત હાથ ધરી હતી. ચીને ગુરુવારે સવારે ૭ઃ૪૫ વાગ્યે (સ્થાનિક સમય) સૈન્ય અભ્યાસ શરૂ કર્યો હતો. આ ચાઈનીઝ કવાયતનો હેતુ સ્વતંત્ર તાઈવાનની માંગ કરી રહેલા અલગતાવાદીઓને સજા આપવાનો અને બહારની શક્તિઓના હસ્તક્ષેપ સામે ચેતવણી આપવાનો છે.

બાહ્ય દળો એટલે અમેરિકા. તમને જણાવી દઈએ કે અમેરિકા તાઈવાનનું મુખ્ય સૈન્ય સમર્થક છે. અમેરિકી રાષ્ટ્રપતિ જાે બિડેન સતત કહી રહ્યા છે કે જાે બીજાે હુમલો થશે તો અમેરિકા ૨૩ મિલિયન લોકોની સુરક્ષા કરશે. ચીનનો ઉદ્દેશ્ય તાઈવાનને પોતાના નિયંત્રણમાં લેવાનો છે.

લાઈ ચિંગ-તે તાઈવાનના નવા રાષ્ટ્રપતિ તરીકે ચાર્જ સંભાળ્યો. પોતાના શપથ સમારોહમાં તેમણે કહ્યું હતું કે ચીને યુદ્ધની ધમકી છોડી દેવી જાેઈએ. જ્યારે લાઈએ સત્તા સંભાળી ત્યારે ચીને પોતાની નારાજગી વ્યક્ત કરી હતી. લાઈને અભિનંદન આપવા બદલ ચીને અમેરિકાના વિદેશ મંત્રી એન્ટની બ્લિંકનની નિંદા કરી હતી. ચીને યુએસ કોંગ્રેસમેન અને તાઈ-પેઈને ટેકો આપતી યુએસ ડિફેન્સ કંપનીઓ પર પણ પ્રતિબંધો લગાવ્યા છે.

ચીનની સૈન્ય કવાયતોના કારણે તાઈવાનમાં તાજેતરમાં રચાયેલી સરકારની મુસીબતો વધુ વધી ગઈ છે. વિપક્ષી સાંસદો કાયદામાં ફેરફારની માંગ કરી રહ્યા છે. આ ફેરફારનો હેતુ નવા રાષ્ટ્રપતિ લાઈ ચિંગ-તેની સત્તા પર લગામ લગાવવાનો છે. કાયદામાં ફેરફારની માંગ સાથે મંગળવારે રાત્રે હજારો લોકો રસ્તા પર ઉતરી આવ્યા હતા. કાયદામાં ફેરફાર પર આગળની કાર્યવાહી થઈ શકે છે, આવી સ્થિતિમાં વિરોધ પ્રદર્શન ફરી શરૂ થવાની સંભાવના છે.

અહેવાલ મુજબ, ચીની સેના તાઈવાન સ્ટ્રેટમાં, તાઈવાન દ્વીપના ઉત્તર, દક્ષિણ અને પૂર્વમાં અને કિનમેન, માત્સુ, વુકીયુ અને ડોંગયિન ટાપુઓની આસપાસના વિસ્તારોમાં અભ્યાસ કરી રહી છે. તાઈવાનના સંરક્ષણ મંત્રીએ કહ્યું કે તેઓ સૈન્ય અભ્યાસ પર નજર રાખી રહ્યા છે.