તંત્રીલેખ | 

ઋષિ સુનકે બ્રિટનમાં ૪ જુલાઈએ ચૂંટણી યોજવાની જાહેરાત કરી છે. આ ચૂંટણીમાં કન્ઝર્વેટિવ પક્ષનો પરાજય નિશ્ચિત મનાય છે. છેલ્લા ઘણાં સમયથી આ પક્ષ ચારે બાજુથી ઘેરાયેલો હતો. લોકોની અપેક્ષા પુરી કરી નહીં શકવાના કારણે સરકાર કર પસ્તાળ પડી રહી હતી. ઋષિ સુનક પોતાના પક્ષમાં પણ અલગ પડી ગયાં હતાં. તેમના પક્ષના સભ્યો પક્ષત્યાગ કરી રહ્યા હતા.૪થી જુલાઈએ બ્રિટિશ સામાન્ય ચૂંટણીનો લગભગ ચોક્કસપણે અર્થ થાય છે કે કન્ઝર્વેટિવ પક્ષના ૧૪ વર્ષના શાસનનો અંત. વડા પ્રધાન ઋષિ સુનકે આખરે કન્ઝર્વેટિવ સરકારને રોજેરોજ આક્ષેપોના જવાબો આપવાની યાતનામાંથી બહાર કાઢ્યું છે. સરકારની પ્રતિષ્ઠાનું ઘણાં મહિનાઓથી જાહેરમાં ધોવાણ થાય છે. આખરે સુનકે આખરે ચૂંટણી આપીને તેનો અંત લાવવાનું નક્કી કર્યું છે.

આ ર્નિણય લેવા માટે ઉત્તેજન મળે તેવું કોઈ સ્પષ્ટ કારણ નહોતું. તાજેતરમાં ફુગાવાના આંકડામાં ૨.૩ ટકા જેટલો ઘટાડો થતાં કદાચ બેંક ઓફ ઈંગ્લેન્ડ જૂનમાં વ્યાજ દરોમાં ઘટાડો કરવાનું શરૂ કરશે તેવી છેલ્લી આશા પણ રહી નથી. ઋષિ સુનકે આ ચૂંટણી આપીને જાણે હથિયાર હેઠા મુકી દીધા છે. પરિસ્થિતિમાં કોઈ સુધારો લાવા શકાય તેમ નથી તે વાસ્તવિકતા સ્વીકારી લીધી છે.હજુ પણ વધુ સાંસદોને બીજી તરફ પક્ષપલટો કરતા જાેઈને શા માટે અપમાન સહન કરવું? હજુ વધુ સાંસદો આગામી ચૂંટણીમાં રાજીનામું આપે અથવા સાંસદોના વિચિત્ર વર્તન વિશે વધુ શરમજનક ઘટસ્ફોટ થતાં રહે તેમાંથી છુટકારો મેળવવા માટે પરાજય નક્કી હોવા છતાં ચૂંટણી આપી દીધી છે. ન રહે બાંસ ન બજે બાંસુરી એ કહેવતની જેમ સરકાર જ ન રહે તો કોણ ટીકા કરશે.કન્ઝર્વેટિવ સરકારના ૨૦૧૦થી તે પાંચમા વડાપ્રધાન છે. સુનકે પાંચ મિશન નક્કી કરીને અને પોતાનાથી વિમુખ થયેલા પક્ષ પર થોડી શિસ્ત લાદીને તેને પુનર્જીવિત કરવાનો પ્રયાસ કર્યો. પણ તે વ્યર્થ ગયો છે.તેમાં કોઈ શંકા નથી કે બ્રિટન લેબર સરકાર તરફ આગળ વધી રહ્યું છે.૨૦૧૦માં ગોર્ડન બ્રાઉનની હાર પછી પ્રથમ લેબર સરકાર ડેવિડ કેમેરોન અને નિક ક્લેગના નેતૃત્વમાં ગઠબંધન માટે માર્ગ બનાવી રહી છે.લેબર પક્ષની સરકાર શું કરશે તે ઘણું ઓછું સ્પષ્ટ છે. સ્ટારમેરે ડાબેરીઓને કચડી નાંખ્યા છે. ૨૦૧૯માં, લેબર પાર્ટીનું નેતૃત્વ અર્ધ-માર્ક્‌સવાદી જેરેમી કોર્બીન પાસે હતું ત્યારે તે અગ્રણી જાહેર કંપનીઓમાં ૧૦ ટકા શેરનું રાષ્ટ્રીયકરણ કરવા માંગતા હતા અને રશિયા અને હમાસ બંને સાથે સહાનુભૂતિ ધરાવતા હતા.પરંતુ સ્ટારમેરે પક્ષના દરેક સ્તર પર નિયંત્રણ સ્થાપિત કર્યું છે. પરંતુ સત્તા પર આવ્યા પછી શું સારા પગલા લેશે તે જણાવવામાં તે નિષ્ફળ ગયા છે.લેબર સરકારની સંભવિત ચૂંટણી સ્ટારમેરને તરફેણ કરતાં કન્‌્‌ઝર્વેટિવ વિરુદ્ધ મતદાન કરવાનું વલણ ધરાવશે.

છેલ્લા ૧૪ વર્ષોના કન્ઝર્વેટિવ શાસને લગભગ દરેકની ધીરજની કસોટી કરી છે. આંતરિક પક્ષ વ્યવસ્થાપનની સમસ્યા ઉકેલાવાની બદલે વધુ ગુંચવાઈ છે. પક્ષના આંતરિક ઘર્ષણોના કારણે ઘણા પ્રતિભાશાળી યુવા નેતાઓ બહાર નીકળી ગયા છે.ચૂંટણીની આજની જાહેરાત સાથે, બ્રિટિશ રાજકીય ઈતિહાસનો એક જ આઘાતજનક સમયગાળો સમાપ્ત થઈ રહ્યો છે. પરંતુ રાજકીય ઇતિહાસનો આગામી સમયગાળો શું લાવશે તે ઘણું ઓછું સ્પષ્ટ છે.જાેકે લેબર પક્ષને પણ તેની લાયકાતના કારણે મત મળશે એવું નથી. વાસ્તવમાં લોકો કન્ઝર્ળેટિવ શાશનથી કોઈ પણ રીતે છુટકારો ઈચ્છે છે. તેના વિકલ્પરૂપે લેબર પક્ષને મત મળે તેમ છે. જ્યારે લેભર પક્ષની પોતાની કોઈ વિશેષતાના કારણે મતો મળશે તેવું નથી. પરિણામે બ્રિટનની જનતા માટે ભુત ગયુ અને પલિત આવ્યું તેવો ઘાટ થવાની શક્યતા પણ નકારી શકાય તેમ નથી.