મુંબઈ-

ટીવીનો સૌથી લોકપ્રિય રિયાલિટી શો બિગ બોસ 14 નો નવો પ્રોમો લોન્ચ કરવામાં આવ્યો છે. આ પ્રોમોમાં સલમાન ખાન અને નિર્માતાઓએ શોની પ્રસારણની તારીખ જાહેર કરી છે. વર્ષ 2020નું બિગ બોસ 3 ઓક્ટોબરથી તેનો પ્રથમ એપિસોડ પ્રસારિત થશે અને ત્યારબાદ તેના સ્પર્ધકો શોમાં પ્રવેશ કરશે. શોનો નવો પ્રોમો અદ્દભુત છે. આમાં સલમાન ખાન ખૂબ જ જોરદાર લુકમાં જોવા મળી રહ્યો છે.

આ નવા પ્રોમોમાં સલમાન ખાન કહે છે કે, "કંટાળો ચકનાચુર થશે, ટેન્શનનો ફ્યૂઝ ઉડશે, સ્ટ્રેસનો બેન્ડ વાગશે, હોપલેસનેસન વાગશે પુંગી. હવે સીન પલટેગા અને બિગ બોસ આપશે 2020નો જવાબ." પ્રોમોમાં સલમાન ખાને માસ્ક પહેરેલો છે અને તેના હાથ પગ બાંધેલા છે અને તે હાથક્ડીઓ અને પગની બેડીઓ તોડી નાખે છે. તે બિગ બોસ 14 3 ઓક્ટોબરથી ઓનએર થવાની જાહેરાત કરે છે.

ગ્રાન્ડ પ્રીમિયર 3 ઓક્ટોબરે -પ્રોમો રજૂ કરવાની સાથે કલર્સ ટીવી લખે છે, "બિગ બોસ 2020ની દરેક સમસ્યાને તોડવા આવ્યો છે! બિગ બોસ 14નું ગ્રાન્ડ પ્રીમિયર 3 ઓક્ટોબર, શનિવારે રાત્રે 9 વાગ્યે ફક્ત કલર્સ પર." આ સાથે, અબ સીન પુલ્ટેગા હેશટેગ સાથે લખવામાં આવ્યું છે. બિગ બોસ 14 આખા અઠવાડિયા માટે આવશે. શો અઠવાડિયાના દિવસોમાં રાત્રે 10.30 વાગ્યે પ્રસારિત થશે. તે સપ્તાહના અંતે 9 વાગ્યે આવશે. તેમાં ભાગ લેનારા સ્પર્ધકોના નામ છુપાયેલા છે. સત્તાવાર રીતે, તેની જાહેરાત કરવામાં આવી નથી. 

આ સ્પર્ધકો હશે -રિપોર્ટ અનુસાર, શોમાં જાસ્મિન ભસીન, અલી ગોની, એજાઝ ખાન, સારા ગુરપાલ, નેહા શર્મા, પવિત્ર પુનિયા, નૈના સિંહ, નિક્કી તંબોલી, નિશાંત માલખાની સામેલ હોવાનું જાણવા મળે છે. કોરોના વાયરસ રોગચાળાને ધ્યાનમાં રાખીને, શોની થીમ બદલવામાં આવી છે અને તેના કારણે, શો પર ખૂબ ધ્યાન આપવામાં આવ્યું છે.