દિલ્હી-

ભૂતકાળમાં બહાર આવેલી ચાઇનીઝ જાસૂસીની ઘટના બાદ હવે મોટો ખુલાસો થયો છે. નેશનલ ઇન્ફોર્મેટિક્સ સેન્ટર (એનઆઈસી) ના ઘણાં કમ્પ્યુટર્સ હેકરો દ્વારા હેક કરવામાં આવ્યા છે. દિલ્હી પોલીસની સ્પેશિયલ સેલ ટીમે સપ્ટેમ્બરની શરૂઆતમાં આ મામલે કેસ નોંધ્યો છે.

એનઆઈસીના આ કમ્પ્યુટર્સમાં, ભારતીય સુરક્ષા, નાગરિકો, મોટી વીઆઇપી હસ્તીઓથી સંબંધિત ડેટા ઉપલબ્ધ છે. આમાં વડા પ્રધાનથી લઈને રાષ્ટ્રીય સુરક્ષા સલાહકાર સુધીના ડેટા શામેલ છે. મળતી માહિતી મુજબ આ હુમલો બેંગલુરુની એક પેઢી દ્વારા કરવામાં આવ્યો હતો. એનઆઈસીના કર્મચારીઓને એક મેઇલ મળ્યો હતો, જેણે તે મેઇલની લિંકને ક્લિક કરી, તેનો ડેટા અદૃશ્ય થઈ ગયો.

કહેવામાં આવી રહ્યું છે કે આ સાયબર એટેકમાં આશરે 100 જેટલા કમ્પ્યુટરને નિશાન બનાવવામાં આવ્યા હતા. જેમાં કેટલાક એનઆઈસીના હતા અને કેટલાક આઈટી મંત્રાલય સાથે સંકળાયેલા હતા. આ કેસ પછી, એનઆઈસીની ફરિયાદ પર, દિલ્હી પોલીસના વિશેષ સેલે આઇટી એક્ટ હેઠળ કેસ નોંધ્યો છે. આ મામલે હજી તપાસ ચાલી રહી છે, પરંતુ સૂત્રોના જણાવ્યા મુજબ આ મેલ બેંગ્લોરની એક અમેરિકન કંપનીનો આવ્યો છે. જેની માહિતી આઈપી એડ્રેસ પરથી મેળવી છે.